ఇప్పుడు ఎక్కడ చూసినా ’90’s ఏ మిడిల్క్లాస్ బయోపిక్’ వెబ్సిరీస్ గురించే చర్చ జరుగుతోంది. ఈ వెబ్ సిరీస్లో కామెడీ, ఎమోషన్, రియాల్టీకి దగ్గరగా అనిపించడం వంటి అంశాలు ప్రేక్షకులను దీంతో బాగా కనెక్ట్ చేశాయి. ఇప్పుడు సాంప్రదాయని.. శుద్ధపూసిని అనే పాట సోషల్ మీడియాలో మార్మోగుతోంది. ఈ సిరీస్ సూపర్ సక్సెస్ సాధించింది. ఈ క్రమంలోనే దీనికి దర్శకత్వం వహించిన ఆదిత్య హాసన్కు వరుస అవకాశాలు వస్తున్నాయి. తాజాగా రెండు పెద్ద బ్యానర్ల నుంచి ఆదిత్యకు అవకాశాలు వచ్చాయి.
నితిన్ లీడ్ రోల్లో ఓ సినిమా తీసే ఛాన్స్ ఆదిత్యకు వచ్చినట్లు టాక్. ఫుల్ లెంగ్త్ కామెడీ ఎంటర్టైనర్గా రూపుదిద్దుకోనున్న ఈ చిత్రం కోసం స్టోరీ రెడీ చేసుకోమని నితిన్ ఆదిత్యకు చెప్పారట. ఇక ఈ మూవీ నితిన్ సొంత బ్యానర్ శ్రేష్ఠ్ మూవీస్ పతాకంపై రూపొందనుంది. మరోవైపు ప్రముఖ నిర్మాత నాగవంశీ కూడా ఆదిత్యతో ఓ సినిమా తీసేందుకు రంగం సిద్ధం చేస్తున్నట్లు సమాచారం. ఈ ప్రాజెక్ట్ సితారా ఎంటర్టైన్మెంట్స్ బ్యానర్పై రూపొందనుంది. మరోవైపు 90’s ఏ మిడిల్క్లాస్ బయోపిక్కు కూడా సీక్వెల్ ఉంటుందని ప్రమోషన్స్ సమయంలో మేకర్స్ తెలిపారు. ఈ సీక్వెల్కు ఆదిత్య దర్శకత్వం వహిస్తారా? లేదా అన్న దానిపై క్లారిటీ రావాల్సి ఉంది.
