Nomination of Gujjula Premender Reddy as MLC candidate: ఎమ్మెల్సీ అభ్యర్థిగా గుజ్జుల ప్రేమేందర్ రెడ్డి నామినేషన్ వేయనున్నారు. నల్లగొండలో ఎమ్మెల్సీ అభ్యర్థిగా నామినేషన్ దాఖలు చేయనున్నారు బిజెపి అభ్యర్థి గుజ్జుల ప్రేమేందర్ రెడ్డి. ఈ కార్యక్రమంలో ముఖ్య అతిథిగా పాల్గొననున్నారు బిజెపి రాజ్యసభ ఎంపీ డాక్టర్ లక్ష్మణ్.
ఈ మేరకు బేగంపేట్ విమానాశ్రయం నుండి హెలికాప్టర్ లో నల్లగొండ బయలు దేరారు ఎంపీ డాక్టర్ లక్ష్మణ్. కాగా వరంగల్‌ – ఖమ్మం – నల్గొండ పట్టభద్రుల ఎమ్మెల్సీ ఉప ఎన్నిక నామినేషన్ల పర్వం ఈరోజు (మే 9వ తేదీ 2024) ముగియనుంది. శుక్రవారం నుంచి నామినేషన్ల పరిశీలన ప్రారంభం కానున్నట్లు ఎన్నికల అధికారులు తెలిపారు. ఈ నెల 13వ తేదీ వరకు నామినేషన్ల ఉపసంహరణకు గడువు ఉన్నట్లు వెల్లడించారు. బుధవారం రోజున మరో 12 మంది అభ్యర్థులు నామినేషన్ దాఖలు చేశారని.. దీంతో నామినేషన్లు వేసిన వారి సంఖ్య 41కి చేరినట్లు చెప్పారు.
