సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప-2 . పుష్ప ఫస్ట్ పార్ట్ ఓ రేంజ్ లో బ్లాక్ బస్టర్ హిట్ కావడంతో ఇప్పుడు దానికి సీక్వెల్గా పుష్ప-ది రూల్ను తెరకెక్కిస్తున్న విషయం తెలిసిందే. ఈ మూవీ నుంచి ‘సూసేకి’ చాలామంది ఫేవరెట్ లిస్టులో చేరిపోయింది. ఈ పాట యూట్యూబ్‌లో అత్యధిక వ్యూస్‌తో దూసుకెళ్తోంది.
అల్లు అర్జున్ – రష్మిక కెమిస్ట్రీ, హుక్‌ స్టెప్‌ ప్రేక్షకులను ఆట్టుకుంటుంది.ఈ పాటకు నృత్యరీతులు సమకూర్చిన గణేశ్‌ ఆచార్య ఓ ఇంటర్వ్యూలో మాట్లాడుతూ ..”సూసేకి.. స్వీట్‌ సాంగ్‌. గ్రాండ్‌గా ఉంటుంది అని అన్నారు .ఇటీవల విడుదల చేసిన లిరికల్ వీడియోలో మేకింగ్‌ మాత్రమే చూపించాం. అసలైన డ్యాన్స్‌ చూడాలంటే కొన్ని రోజులు ఆగాల్సిందే అని తెలిపారు. 8 రోజుల్లో ఈ పాట చిత్రీకరణ పూర్తయింది. 500 మందికి పైగా డ్యాన్సర్లు పాల్గొన్నారు. కపుల్స్‌ కూడా తేలిగ్గా డ్యాన్స్‌ చేయగలిగేలా హుక్‌ స్టెప్‌ ఉండాలని దానికి తగ్గట్టే కొరియోగ్రఫీ చేశా. అల్లు అర్జున్- రష్మిక తమ డ్యాన్స్‌తో అలరిస్తారు” అని ఆయన వెల్లడించారు.
