ఆంధ్రప్రదేశ్లో పార్లమెంట్ ,అసెంబ్లీ ఎన్నికలకు సంబంధించిన కౌంటింగ్ ప్రక్రియ రేపు ఉదయం ఎనిమిది గంటలకు ప్రారంభం కానుంది. ఈ క్రమంలో ఏపీ అసెంబ్లీ ఎన్నికలలో ఎవరు అధికారం చేపడతారు అనే విషయంపై సర్వత్రా ఉత్కంఠ నెలకొంది. అయితే తాజాగా ఈ ఎన్నికలకు సంబంధించిన కౌంటింగ్ గురించి భారత క్రికెటర్ హనుమ విహారి ఆసక్తికర వ్యాఖ్యలు చేశారు.
కాకినాడకు చెందిన హనుమ విహారి…… టెన్షన్ పడుతున్నట్లుగా ఉండే ‘ఫింగర్స్ క్రాప్డ్’ ఎమోజీని ట్వీట్ చేశారు. దీంతో ‘మనమే గెలుస్తున్నాం’ అంటూ వైసీపీ.. ‘హల్లో ఏపీ.. బై బై వైసీపీ’ అని తెలుగుదేశం పార్టీ అభిమానులు ఆయన పోస్ట్ కింద కామెంట్స్ చేస్తున్నారు. కాగా మరో క్రికెటర్ అంబటి రాయుడు ఎన్నికల ముందు జనసేనలో చేరిన విషయం తెలిసిందే. ఇక ఇప్పటికే దేశవ్యాప్తంగా వెలువడిన ఎగ్జిట్ పోల్స్ ఫలితాలలో చాలా సర్వేలు తెలుగుదేశం పార్టీ గెలుస్తుందని అంచనా వేశాయి.
