టాలీవుడ్ హీరో విక్టరీ వెంకటేష్-దర్శకుడు అనిల్ రావిపూడి కాంబోలో మరో కొత్త రానుంది. అందరూ ఊహించినట్టుగానే ఈ చిత్రానికి ‘సంక్రాంతికి వస్తున్నాం’ అనే టైటిల్‌ను ఫిక్స్ చేశారు. 2025 సంక్రాంతి బరిలో ఈ మూవీ రానుంది. అందుకు సంబంధించిన వివరాలను ‘నటి మీనాక్షి’ చౌదరి తన ఇన్‌స్టాగ్రామ్ వేదికగా పోస్టు చేశారు. ఈ సినిమాలో వెంకీ సరసన ఐశ్వర్య రాజేశ్, మీనాక్షి చౌదరి హీరోయిన్లుగా నటిస్తున్నారు.
టైటిల్‌ ఆసక్తికరంగా ఉండటంతో పాటు పోస్టర్ సైతం ఆకట్టుకుంటోంది. చీరలో ఐశ్వర్య, జీన్స్, బ్లాక్ జాకెట్‌తో మీనాక్షి ఉండగా ఇద్దరి మధ్య లుంగీ కట్టుకుని ఓ పెద్ద గన్ పట్టుకున్నాడు వెంకటేష్. దీనిని బట్టి ఇది కూడా మరో మాస్ ఫ్యామిలీ ఎంటర్టైనర్ అని హింట్ ఇచ్చాడు దర్శకుడు. ఈ మూవీకి దిల్ రాజు నిర్మాతగా వ్యవహరిస్తున్నారు. భీమ్స్ సిసిరోలియో ఈ చిత్రానికి సంగీతం అందిస్తుండగా.. వెంకీ – అనిల్ కాంబోలో వచ్చిన ఎఫ్ 2, ఎఫ్-3 సినిమాలు కమర్షియల్ హిట్‌గా నిలిచిన విషయం తెలిసిందే. దీంతో ఈ మూవీపై భారీ అంచనాలు నెలకొన్నాయి.
