సన్ రైజర్స్ హైదరాబాద్ గురించి ప్రత్యేకంగా చెప్పాల్సిన అవసరమే లేదు. గత సీజన్ లో సన్ రైజర్స్ బ్యాటర్స్, బౌలర్లు ఎలా విరుచుకుపడ్డారో అందరికీ తెలిసిందే. ఫైనల్ లో కోల్ కతా నైట్ రైడర్స్ పై ఓటమి పాలై రన్నరప్ గా నిలిచింది. ఈ ఏడాది మాత్రం సన్ రైజర్స్ కీలక బౌలర్ భువనేశ్వర్ ని వదులుకుంది. భువనేశ్వర్ స్థానంలో మహ్మద్ షమీ, హర్షల్ పటేల్ ను తీసుకున్నారు.
తాజాగా హర్షల్ పటేల్ ఐపీఎల్ వేలంలో సన్ రైజర్స్ కి ఎంపికవ్వడం పై హర్షం వ్యక్తం చేశారు. SRH కి ఎంపికవ్వడం చాలా రిలీఫ్ గా ఉందని.. ఆ జట్టు తరుపున బౌలింగ్ చేయడం కష్టం అన్నారు. గత సీజన్ లో SRH బ్యాటర్లు బ్యాటర్లు విధ్వంసం గురించి ప్రపంచం మొత్తానికి తెలిసింది. ఇక ఆ టీమ్ కి ఆడటం ఉపశమనాన్ని ఇస్తుందని హర్షల్ పటేల్ తెలిపారు. పంజాబ్ కింగ్స్ కి ఆడిన హర్షల్ తాజాగా వేలంలో రూ.8కోట్లతో ఎస్ఆర్హెచ్ కొనుగోలు చేసింది.
