తిరుమల భక్తులకు శుభవార్త అందింది..ఇవాళ, రేపు మార్చి నెల దర్శనం టికెట్లు విడుదల కానున్నాయి. తిరుమలలో ఇవాళ, రేపు ఆన్ లైన్ మార్చి నెలకు సంబంధించిన దర్శనం టికెట్లు విడుదల చెయ్యనుంది టిటిడి.
ఇక ఇవాళ ఉదయం 10 గంటలకు శ్రీవాణి దర్శన టిక్కెట్లు విడుదల కానున్నాయి. రేపు ఉదయం 10 గంటలకు ప్రత్యేక ప్రవేశ దర్శనం టికెట్లు విడుదల కానున్నాయి. ఈ మేరకు అన్ని ఏర్పాట్లు చేసింది టీటీడీ పాలక మండలి.
తిరుమలో 14 కంపార్టుమెంట్లలో భక్తులు వేచివున్నారు. టోకెన్ లేని భక్తులకు శ్రీవారి సర్వదర్శనానికి 16 గంటల సమయం పడుతోంది. 67,209 మంది భక్తులు.. నిన్న శ్రీవారిని దర్శించుకున్నారు. 22,708 మంది భక్తులు తలనీలాలు సమర్పించారు. హుండీ ఆదాయం రూ.4.23 కోట్లుగా నమోదు అయింది.
