ఆంధ్రప్రదేశ్ అలాగే తెలంగాణ రాష్ట్ర ప్రజలకు బిగ్ అలర్ట్. ఇవాళ అలాగే రేపు రెండు తెలుగు రాష్ట్రాలలో భారీ నుంచి అతి భారీ వర్షాలు పడతాయని వాతావరణ శాఖ హెచ్చరికలు జారీ చేసింది. ముఖ్యంగా తెలంగాణ రాష్ట్రంలోని జగిత్యాల, భూపాలపల్లి, హనుమకొండ, నిర్మల్, కరీంనగర్, ఖమ్మం, ఆదిలాబాద్, ములుగు, నిజామాబాద్, పెద్దపల్లి, సిరిసిల్ల, వరంగల్ జిల్లాలో అత్యంత ప్రమాదకరమైన వర్షాలు పడతాయని వాతావరణ శాఖ వార్నింగ్ ఇచ్చింది.
అలాగే జనగామ, ఆదిలాబాద్, కామారెడ్డి, ఆసిఫాబాద్, మంచిర్యాల, మెదక్, నల్గొండ, సిద్దిపేట, సూర్యాపేట జిల్లాలో కూడా ఓ మోస్తారు వర్షాలు పడతాయని వాతావరణ శాఖ తెలిపింది. కొన్ని ప్రాంతాల్లో పిడుగులు పడే ప్రమాదం పొంచి ఉన్నట్లు హెచ్చరికలు జారీ చేసింది వాతావరణ శాఖ. అలాగే.. ఆంధ్రప్రదేశ్ రాష్ట్రంలోని అల్లూరి, విజయనగరం అలాగే విశాఖపట్నం, అనకాపల్లి జిల్లాలలో కూడా అత్యంత ప్రమాదకరమైన వర్షాలు పడతాయని హెచ్చరికలు జారీ చేసింది అమరావతి వాతావరణ శాఖ.
