ఇంట్లో వాస్తు దోషం ఉంటే ఏదో ఒక చికాకు, మానసిక అశాంతి ఉంటుంది. అందుకే దానికి పరిహారంగా జనాలు ఏవేవో చేస్తుంటారు. అటువంటి చిట్కాల్లో ఫినిక్స్ పక్షి బొమ్మ కూడా ఒకటి. ఫినెక్స్ పక్షి చిత్రాన్ని ఇంట్లో పెట్టుకుంటే వాస్తు దోషం ఉండదని చాలా మంది నమ్ముతారు. ఇది నిజమేనా..? వాస్తు శాస్త్ర నిపుణులు ఏం అంటున్నారు. సంబంధించిన కొన్ని నియమాల గురించి వాస్తులో ఏం వివరించారో తెలుసుకుందాం.
వాస్తులో ఫినిక్స్ పక్షి
వాస్తు ప్రకారం ఇంట్లో సానుకూల శక్తిని వ్యాపింప చేసే చిత్రాలను, విగ్రహాలను పెట్టుకోవాలి. పక్షి స్వేచ్ఛకు ప్రతిరూపం. అందుకే ఇంట్లో పక్షుల చిత్రాలు, విగ్రహాలు అలంకిరించుకోవడం శుభప్రదంగా భావిస్తారు. వాస్తు శాస్త్రంలో ఫినిక్స్ పక్షి చాలా పవిత్రమైందిగా పరిగణిస్తారు. ఫినిక్స్ విగ్రహం లేదా చిత్ర పటాన్ని ఇంట్లో సరైన ప్రదేశంలో పెట్టుకోవాలి. ఈ పక్షి ఇంట్లో ఉంటే కీర్తి ప్రతిష్టలు ఇనుమడిస్తాయి. అభివృద్ధి పథంలో జీవితం సాగుతుందని నమ్మకం. అమరత్వానికి, అంతులేని విజయానికి ఫినిక్స్ పక్షిని ప్రతిరూపంగా భావిస్తారు.
ఫినిక్స్ అనే పక్షి ఈ సృష్టిలో ఎక్కడా కనిపించదు. అదొక కాల్పనిక పక్షి. గ్రీకు పురాణాలలో ఇది పునర్జన్మకు ప్రతీక. తన పూర్వీకుల బూడిద నుంచి తిరిగి జీవం పోసుకునే పక్షి రూపం ఫినిక్స్. క్రిష్టియానిటీ తొలి రోజుల్లో దీన్ని మత చిహ్నంగా సూచించారు. ఈ పక్షి రూపం విజయం, సానుకూలత, సమృద్ధికి చిహ్నంగా పరిగణిస్తారు. వాస్తు ఈ పక్షిని అమర పక్షి లేదా మాయా పక్షి అని అభివర్ణిస్తుంది.
ఏ దిశలో అమర్చుకోవాలి..?
ఈ పక్షి చిత్రం లేదా విగ్రహాన్ని ఇంట్లోని దక్షిణం దిశలో అమర్చుకోవడం వల్ల మంచి ఫలితాలు పొందవచ్చు. అందరి చూపుకు అందుబాటులో ఉండే విధంగా దీన్ని డ్రాయింగ్ రూమ్‌లో అలంకరించుకోవడం మంచిది. ఫినిక్స్ రగిలే అగ్నికి ప్రతీక. ఇది జీవశక్తిని సూచిస్తుంది.
ఈ పక్షుల చిత్రాలు ఇంట్లో అస్సలు పెట్టకండి
రాబందు, గబ్బిలం, కాకి, గుడ్లగూబ వంటి పక్షుల విగ్రహాలు లేదా చిత్రాలను ఇంట్లో అలంకరించుకోకూడదు. అలాంటి వాటిని ఇంట్లో పెట్టుకోవడం వల్ల ఇంట్లోకి ప్రతికూల శక్తి ప్రవేశిస్తుందని వాస్తు చెబుతోంది.
