చలికాలం వచ్చిందంటే చాలు, జలుబు, దగ్గు, గొంతు నొప్పి వెంటాడుతుంటాయి కదూ? ఇంట్లో ఉన్నా, ఆఫీసులో ఉన్నా మనకు కావాల్సింది కేవలం ఉపశమనం. అయితే మందులు కాకుండా సహజంగా ఈ సమస్యల నుంచి బయటపడాలంటే వేడివేడి సూప్ కంటే బెస్ట్ ఆప్షన్ మరొకటి లేదు. ముఖ్యంగా ఘాటైన రుచితో ఉండే ఒక ప్రత్యేక సూప్ ఈ చలికాలపు జబ్బులకు అద్భుతమైన విరుగుడు. ఆ సూపర్-హీలింగ్ సూప్ ఏంటో, ఎలా చేసుకోవాలో తెలుసుకుందాం..
అల్లం-వెల్లుల్లి సూప్: చలికాలంలో వచ్చే జలుబు, దగ్గును సమర్థవంతంగా ఎదుర్కోవడంలో అల్లం (Ginger) మరియు వెల్లుల్లి (Garlic) ప్రధాన పాత్ర పోషిస్తాయి. ఈ రెండింటిని కలిపి చేసే సూప్ ఒక శక్తివంతమైన మెడిసిన్ లా పనిచేస్తుంది. అల్లంలో ఉండే యాంటీ ఇన్‌ఫ్లమేటరీ గుణాలు గొంతు నొప్పి, వాపును తగ్గిస్తాయి. వెల్లుల్లిలో ఉండే యాంటీ బ్యాక్టీరియల్ మరియు యాంటీ వైరల్ లక్షణాలు జలుబు కలిగించే వైరస్‌లతో పోరాడతాయి. ఈ వేడి సూప్ తాగడం వల్ల శరీరానికి వెచ్చదనం అంది, ముక్కు దిబ్బడ తగ్గి, శ్వాస సులభతరం అవుతుంది.
తయారీ చిట్కాలు: పోషకాలు తగ్గకుండా,ఈ సూప్‌ను తయారు చేయడం చాలా సులభం. కొద్దిగా వెల్లుల్లి రెబ్బలు, అల్లం ముక్కలను మెత్తగా దంచి లేదా తురుముకుని తీసుకోండి. వీటిని నెయ్యి లేదా నూనె లేకుండా కాసేపు వేయించి, ఆపై కూరగాయల స్టాక్ (లేదా నీళ్లు) కలపాలి. ఇందులో కాస్త మిరియాల పొడి మరియు పసుపు చేర్చడం వలన దాని ఔషధ గుణాలు మరింత పెరుగుతాయి. ఉప్పు తక్కువగా వాడటం మంచిది. దీనిని గోరువెచ్చగా తాగడం వల్ల గొంతుకి, ఛాతీకి గొప్ప ఉపశమనం లభిస్తుంది.
శీతాకాలపు సమస్యల నుంచి తక్షణ ఉపశమనం అందించే ఈ అల్లం-వెల్లుల్లి సూప్ నిజంగా ఒక అద్భుతమైన గృహ చిట్కా. మందులు వాడాల్సిన అవసరం లేకుండానే జలుబు, దగ్గు లక్షణాలను తగ్గించుకోవడానికి ఈ వేడి సూప్‌ను రోజుకు రెండు సార్లు తాగడం అలవాటు చేసుకోండి. ఆరోగ్యకరమైన ఆహారంతో ఈ చలికాలంలో ఎలాంటి రోగాలూ దరిచేరకుండా మీ ఆరోగ్యాన్ని కాపాడుకోండి.
