పసిఫిక్ మహాసముద్రం ఎప్పుడు వింటూనే ఉంటాం, ఇది కేవలం నీటి విస్తరణ కాదు, అంతుచిక్కని రహస్యాల నిలయం. ఈ లోతైన అగాధాలలో శాస్త్రవేత్తలను సైతం నివ్వెరపరిచే కొన్ని అసాధారణమైన శబ్దాలు వినిపిస్తున్నాయి. అవి తిమింగలాల అరుపులు కావు నౌకల శబ్దాలు అంతకన్నా కావు. ఈ వింత శబ్దాల మూలం ఏమిటి? అవి సముద్ర గర్భంలో ఎలాంటి అలజడిని సూచిస్తున్నాయి? ఆధునిక శాస్త్ర పరిజ్ఞానం కూడా పూర్తిగా ఛేదించలేని ఈ మహాసముద్ర రహస్యాలను ఇప్పుడు తెలుసుకుందాం.
పసిఫిక్ మహాసముద్రంలోని లోతైన ప్రాంతాలలో, ముఖ్యంగా మారుమూల ప్రాంతాల్లో, కొన్ని దశాబ్దాలుగా వింత మరియు శక్తివంతమైన శబ్దాలు రికార్డ్ అవుతున్నాయి. వీటిలో అత్యంత ప్రసిద్ధి చెందింది “ది బ్లూప్” అనే శబ్దం. 1997లో రికార్డ్ చేయబడిన ఈ శబ్దం చాలా తక్కువ ఫ్రీక్వెన్సీలో, అత్యంత పెద్దగా ఉంది. ఇది తిమింగలం కంటే వందల రెట్లు పెద్ద జీవి చేసి ఉండవచ్చు అని కొందరు ఊహించారు కానీ దాని మూలాన్ని ఎవరూ నిర్ధారించలేకపోయారు.
మరొక వింత శబ్దం ‘ది జూలియా’ ఇది దాదాపు 15 సెకన్ల పాటు వినిపించింది. ఈ రహస్య శబ్దాల వెనుక ఉన్న శాస్త్రీయ కారణాలను పరిశోధకులు అనేక రకాలుగా విశ్లేషిస్తున్నారు. ఈ శబ్దాలు భూకంపాలు లేదా సముద్ర గర్భంలోని అగ్నిపర్వతాల, కార్యకలాపాల నుండి వచ్చి ఉండవచ్చని ఒక సిద్ధాంతం చెబుతోంది. మరికొందరు పరిశోధకులు, ఈ శబ్దాలు పెద్ద మంచు పలకలు విరిగిపోయేటప్పుడు లేదా సముద్ర గర్భంలో గ్యాస్ విడుదల అయ్యేటప్పుడు ఉత్పన్నమై ఉండవచ్చని భావిస్తున్నారు.
ఈ శబ్దాలు ఇంత శక్తివంతంగా ఉండటానికి కారణం సౌండ్ ఫిక్సింగ్ ఛానల్, ఇది సముద్రంలో ఒక ప్రత్యేక లోతులో ఉంటుంది దీని ద్వారా ధ్వని వేల కిలోమీటర్ల దూరం వరకు ప్రయాణించగలదు. ఏది ఏమైనప్పటికీ ఈ వింత శబ్దాలు పసిఫిక్ మహాసముద్ర లోతుల్లో ఇంకా ఎన్ని అంతుచిక్కని జీవాలు, భౌగోళిక మార్పులు దాగి ఉన్నాయో తెలియజేస్తున్నాయి.
గమనిక: ‘ది బ్లూప్’ మరియు ఇతర శబ్దాలకు సంబంధించిన పరిశోధనలు ఇప్పటికీ కొనసాగుతున్నాయి. అయితే ఈ శబ్దాలకు కారణం అసాధారణమైన జీవి కాదని పెద్ద మంచు పలకల కదలికలే అయి ఉండవచ్చని ఇటీవలి పరిశోధనలు సూచిస్తున్నాయి.
