ప్రసవం తర్వాత మహిళల శరీరంలో ఎన్నో మార్పులు వస్తాయి. నెలల తరబడి లేదా ఏడాదికి పైగా ఆగిపోయిన పీరియడ్స్ మళ్లీ మొదలయ్యే సమయం కోసం ప్రసవించిన ప్రతి తల్లి ఎదురుచూస్తుంటుంది. అయితే బిడ్డ పుట్టిన తర్వాత వచ్చే మొదటి పీరియడ్స్ మునుపటిలా ఉండవా? అసలు ఈ పీరియడ్స్ అందరిలో ఒకేలా ఉంటాయా? అప్పుడు శరీరంలో ఎలాంటి మార్పులు జరుగుతాయో, నిపుణులు ఏం చెబుతున్నారో ఇప్పుడు వివరంగా తెలుసుకుందాం.
ఇక కొందరు ప్రసవం తర్వాత పీరియడ్స్ మళ్లీ రావడం అనేది అందరి మహిళల్లో ఒకేలా ఉండదు. కొందరికి కొన్ని నెలల్లోనే వస్తే, మరికొందరికి ఏడాది కంటే ఎక్కువ సమయం పట్టవచ్చు. ఇక పీరియడ్స్ తిరిగి ప్రారంభమైనప్పుడు వచ్చే అనుభవం, లక్షణాలు ప్రతి ఒక్కరి శరీర తత్వాన్ని బట్టి పూర్తిగా భిన్నంగా ఉంటాయి. ఇది అందరికీ ఒకేలా వర్తించే విషయం కాదు.
ఇక మహిళలు తమ జీవితంలో పీరియడ్స్ వచ్చే సమయానికి అలవాటుపడి ఉంటారు. కానీ ప్రసవం తర్వాత పీరియడ్స్ మొదలైనప్పుడు అదంతా కొత్తగా, మొదటి నుంచి మొదలైనట్లు అనిపిస్తుంది. ఇక శరీరంలో వచ్చే హార్మోన్ల మార్పులు, నిద్రలేమి, బిడ్డకు పాలు ఇవ్వడం వంటి అనేక కారణాల వల్ల పీరియడ్స్ సమయంలో శరీరం భిన్నంగా స్పందిస్తుంది.
కొందరు మహిళలకు ప్రసవం తర్వాత పీరియడ్స్ క్రమబద్ధంగా రావడం, కడుపునొప్పి లేదా నడుము నొప్పి తగ్గడం వంటి సానుకూల మార్పులు కనిపిస్తాయి. ఇక అంతకుముందు ఉన్న పీసీఓఎస్ (PCOS) వంటి సమస్యల తీవ్రత కూడా తగ్గినట్లు అనిపిస్తుంది. కానీ మరికొందరిలో బ్లీడింగ్ ఎక్కువగా అవ్వడం, పీరియడ్స్ సమయానికి రాకపోవడం, సరికొత్త అసౌకర్యాలు ఎదురవడం వంటివి జరుగుతుంటాయి.
ఇక ప్రసవం తర్వాత పీరియడ్స్ సాధారణ స్థితికి రావడానికి, శరీరం తన పాత లయను అందుకోవడానికి కొంత సమయం పడుతుంది. ఇవన్నీ హార్మోన్ల సర్దుబాటులో భాగమే కాబట్టి ఆందోళన చెందాల్సిన అవసరం లేదు. మీ శరీరం ఇచ్చే మార్పులను గమనిస్తూ తగిన జాగ్రత్తలు తీసుకోవడమే ముఖ్యం.
గమనిక: ప్రసవం తర్వాత పీరియడ్స్ సమయంలో విపరీతమైన రక్తస్రావం (బ్లీడింగ్), తట్టుకోలేని కడుపునొప్పి లేదా క్రమం తప్పకుండా రావడంలో తీవ్రమైన వ్యత్యాసాలు ఉంటే నిర్లక్ష్యం చేయకుండా వెంటనే గైనకాలజిస్ట్ను సంప్రదించి సలహా పొందాలి.
