మన శరీరంలో కొలెస్ట్రాల్ స్థాయిలు ఎప్పుడూ అదుపులో ఉండాలి. గుండె ఆరోగ్యంగా ఉండాలంటే మంచి కొలెస్ట్రాల్ (HDL) పెరిగి, చెడు కొలెస్ట్రాల్ (LDL) తగ్గాలి. రక్తనాళాల్లో చెడు కొలెస్ట్రాల్ పేరుకుపోతే గుండెకు రక్తప్రసరణ తగ్గి ప్రాణాంతకమైన గుండెపోటు (హార్ట్ ఎటాక్) వచ్చే ప్రమాదం ఉంది. అయితే, శరీరంలో ఎల్డిఎల్ కొలెస్ట్రాల్ పెరిగినప్పుడు శరీరం కొన్ని ముందస్తు హెచ్చరిక సంకేతాలను ఇస్తుంది. ఆ ముఖ్యమైన లక్షణాలు ఏంటో ఇప్పుడు తెలుసుకుందాం..
ఛాతిలో నొప్పి మరియు అసౌకర్యం: రక్తనాళాల్లో చెడు కొలెస్ట్రాల్ హఠాత్తుగా పెరిగినప్పుడు గుండెకు రక్తాన్ని తీసుకెళ్లే మార్గాల్లో అడ్డంకులు ఏర్పడతాయి. ఇక దీనివల్ల తరచూ ఛాతిలో నొప్పి రావడం లేదా ఛాతిపై తీవ్రమైన ఒత్తిడి, భారంగా అనిపించడం జరుగుతుంది. ఇలాంటి లక్షణాలు కనిపిస్తే అస్సలు నిర్లక్ష్యం చేయకూడదు.
శ్వాస తీసుకోవడంలో ఇబ్బంది: గుండె రక్తప్రసరణ వ్యవస్థ సరిగా పనిచేయనప్పుడు ఊపిరితిత్తులకు కూడా తగినంత ఆక్సిజన్ అందడం కష్టమవుతుంది. ఇక చిన్న చిన్న పనులు చేసినా లేదా నడిచినా ఆయాసంగా అనిపించడం, శ్వాస తీసుకోవడంలో ఇబ్బంది కలగడం చెడు కొలెస్ట్రాల్ పెరిగదనడానికి ప్రధాన సంకేతం.
విపరీతంగా చెమటలు పట్టడం:ఎలాంటి శారీరక శ్రమ లేకపోయినా, ప్రశాంతంగా ఉన్న సమయంలో కూడా విపరీతంగా చెమటలు పట్టడం మరో ముందస్తు హెచ్చరిక. అంతేకాకుండా, గుండె స్పందనల్లో హెచ్చుతగ్గులు (హార్ట్ బీట్ వేగంగా లేదా అసమానంగా కొట్టుకోవడం) రావడం కూడా కొలెస్ట్రాల్ స్థాయిలు పెరిగాయని తెలిపే అలర్ట్ సిగ్నల్.
ఆహార సూచనలు: వరల్డ్ హెల్త్ ఆర్గనైజేషన్ ప్రకారం కొలెస్ట్రాల్ నియంత్రణలో ఉండాలంటే సరైన ఆహార నియమాలు పాటించాలి. ప్రతిరోజూ వ్యాయామం చేస్తూ పండ్లు, కూరగాయలు, తృణధాన్యాలు తీసుకోవడం మరియు ఉప్పు వాడకాన్ని తగ్గించడం వల్ల రక్తపోటు అదుపులో ఉండి గుండె ఆరోగ్యంగా ఉంటుంది.
గమనిక:పైన ఇచ్చిన సమాచారం సాధారణ అవగాహన కోసం మాత్రమే అందించబడింది. ఛాతిలో నొప్పి లేదా శ్వాసకోశ ఇబ్బందులు ఎదురైతే ఆలస్యం చేయకుండా వెంటనే అర్హులైన గుండె నిపుణులను (కార్డియాలజిస్ట్) సంప్రదించడం శ్రేయస్కరం.
 పెరిగి, చెడు కొలెస్ట్రాల్ (LDL)){kind=link}