తక్కువ నీటి పారుదల తో ఎక్కువ లాభాలను పొందే పంటలలో సీతాఫలం ఒకటి..ఇప్పుడు రైతులు ఈ పంట వైపు మొగ్గు చూపిస్తున్నారు.ఇసుక, రాతి, గంభీరంగా మరియు భారీ నేలల్లో కూడా బాగా పెరుగుతుంది. చెట్టు చాలా లోతుగా పాతుకుపోయింది. లోతైన నేల అవసరం లేదు. అత్యంత బెట్ట పరిస్థితులను సైతం తట్టుకొని జీవించగల సీతాఫలం మొక్కలను మెట్ట ప్రాంత వ్యవసాయదారులు సాగు చేసి నిలకడైన ఆదాయాన్ని పొందవచ్చు. రాళ్లతో ఉన్న నేలల్లో కూడా సాగు చేయొచ్చు. మురుగునీరు పోయే సదుపాయం కలిగి 5.5-7.5 ఉదజని సూచిక గల నేలలు అత్యంత అనుకూలం..
మొక్కలు నాటేముందు తీసుకోవాల్సిన జాగ్రత్తలు..
పొలాన్ని ఒకటికి రెండుసార్లు బాగా కలియ దున్ని సమాంతరంగా ఏర్పాటు చేసుకోవాలి. తర్వాత 60x60X60 సెం.మీ. గుంతలను 5×5 మీ. దూరంలో ఎకరానికి 160 గుంతలు తీసుకోవాలి. ప్రతీ గుంతకు 20 కిలోల పశువుల ఎరువు, 1 కిలో సింగిల్ సూపర్ ఫాస్ఫేట్; 100 గ్రా. ఫాలిడాల్ పొడి, పైమట్టితో బాగా కలిపి గుంతలను నింపుకోవాలి. తరువాత మొక్కలను నాటుకోవాలి. మొక్కలు నాటిన వెంటనే నీరు అందించాలి. తర్వాత నేల స్వభావం, వాతావరణాన్ని బట్టి మొక్కలకు అవసరమైన నీటిని అందిస్తూ ఉండాలి. నీరు తక్కువైతే కాయలు గట్టిగా మారి పండవు. డ్రిప్ పద్ధతి పాటించి నీరు సమృద్ధిగా పారిస్తే మంచి దిగుబడిని పొంది లాభాలను పొందవచ్చు..
అనువైన రకాలు..
లాలసితపాల్, మముత్, బాలానగర్, బ్రిటిష్ గినియా, పింక్స్ మముత్, ఐలాండ్ జెమ్, వాషింగ్టన్, అర్కా సహన్, అటెమోయా రకాలు మనదేశంలోని వివిధ ప్రాంతాల్లో ఆయా వాతావరణ పరిస్ధితులకు అనువైనవిగా చెప్పవచ్చు. ఈ రకాలతో వాణిజ్య శైలిలో రైతులు సాగు చేస్తున్నారు. సీతాఫలం చాలా నెమ్మదిగా పెరిగే మొక్క..
మొక్కకు 2 నుంచి 3 టేబుల్ స్పూన్ల కుళ్ళిన ఎరువు లేదా కంపోస్ట్ ఇవ్వాలని వ్యవసాయ అధికారులు సూచించారు. అలాగే మొదటి 3 సంవత్సరాలు ప్రతి మొక్కకు ఫలదీకరణం చేయాలి. 5 సంవత్సరాల తరువాత 5 నుంచి 7 చెంచాల ఆవు పేడ లేదా కంపోస్ట్ ఎరువు, 200 నుంచి 500 గ్రాముల యూరియాను అందించాలి. మొదటి 3 నుంచి 4 సంవత్సరాల వరకు చెట్టుకు నీరు పోస్తే మొక్క బలంగా ఎదుగుతాయి…
పెద్ద కండ్లు కలిగిన కాయలను వేరు చేసి మార్కెట్ కు పంపితే మంచి ధర పొందవచ్చు. సీతఫలం కాయలు కోత తరువాత త్వరగా పక్వానికి వస్తాయి. కోసిన వెంటనే గంపలు లేదా అట్టపెట్టల్లో గడ్డి లేదా సీతాఫలం ఆకులను క్రింద పరచుకుని ప్యాకింగ్ చేసుకోవాలి. సీతాఫలానికి ఎక్కువ రోజులు నిల్వవుండే పరిస్ధితి లేదు..అందుకే చాలా జాగ్రత్తగా చూసుకోవాలి..
