ఎన్నో వివాదాల మధ్య విడుదలైన ది కేరళ స్టోరీ సినిమా సృష్టించిన సంచలనం అంతా ఇంతా కాదు. ఈ సినిమా స్టార్ హీరోల మూవీస్తో పోటీ పడి మరీ కలెక్షన్లు సాధించింది. ఇక విమర్శకుల నుంచి కూడా ప్రశంసలు అందుకుంది. అయితే చిత్రం రిలీజ్ అయి 50 రోజులు దాటినా.. ఇంకా ఈ మూవీ ఓటీటీ రిలీజ్పై క్లారిటీ రాలేదు. తాజాగా ఈ సినిమా ఓటీటీ విడుదలపై నటి అదా శర్మ స్పందించింది.
‘‘మా సినిమా థియేటర్లలో సక్సెస్‌ఫుల్‌గా 50 రోజులు పూర్తి చేసుకుంది. థియేటర్లకు వచ్చే ప్రేక్షకుల సంఖ్య తగ్గిన తర్వాతనే ఓటీటీలో ప్రసారం చేస్తారు. నాకు తెలిసిన సమాచారం ప్రకారం.. ఏ ఓటీటీ సంస్థకు ఇవ్వాలా అని నిర్మాతలు ఆలోచిస్తున్నారు. అందుకే దీని ఓటీటీ విడుదల ఆలస్యమవుతోంది’’ అని అదా శర్మ చెప్పుకొచ్చింది.
ఈ సినిమా మంచి విజయం సాధించడం చూసి కొంతమంది కక్ష సాధింపులకు పాల్పడుతున్నారని చిత్ర దర్శకుడు సుదీప్తో సేన్‌ ఇటీవల వ్యాఖ్యానించారు. ఏదైనా ప్రధాన సంస్థ నుంచి మంచి ఆఫర్‌ వస్తుందేమోనని ఎదురుచూస్తున్నామని ఓటీటీ రిలీజ్ గురించి చెప్పారు.
