టాలీవుడ్ హీరో నేచురల్ స్టార్ నాని తాజాగా నటించిన చిత్రం దసరా. ఈ సినిమా మార్చి 30న పాన్ ఇండియా స్థాయిలో విడుదల కానుంది. సింగరేణి బొగ్గు గనుల నేపథ్యంలో తెరకెక్కుతున్న ఈ సినిమాలో నాని మాస్ లుక్ లో కనిపించనున్న సంగతి తెలిసిందే. అయితే తాజాగా చిత్ర ప్రమోషన్స్లో పాల్గొన్న ఈ హీరో షూటింగ్ సమయంలో జరిగిన ఒక సంఘటన తనను ఎంతగానో భయపెట్టిందంటూ చెప్పుకోచ్చారు.
నేచురల్ స్టార్ నాని శ్రీకాంత్ ఓదెల దర్శకత్వంలో నటించిన చిత్రం దసరా. ఈ సినిమా నుండి ఇప్పటికే ఫస్ట్ లుక్, ట్రైలర్ విడుదలై గూస్ బుంప్స్ తెప్పించాయి. ఈ నేపథ్యంలో ప్రస్తుతం చిత్ర ప్రమోషన్స్ లో బిజీబిజీగా గడుపుతున్న ఈ హీరో షూటింగ్ సమయంలో ఒక సంఘటన గురించి చెప్పుకొస్తూ ఆ విషయం తనను చాలా భయపెట్టిందని తెలిపారు.
ఈ సినిమాలో ఓ సన్నివేశం నన్ను ఎంతగానో భయపెట్టింది.. దానివల్ల రెండు నెలలు సరిగ్గా నిద్రపోలేదు అంటూ చెప్పుకొచ్చారు నాని. ఈ సందర్భంగా మాట్లాడుతూ.. ‘డంపర్ ట్రక్ బోగ్గును తీసుకుని వెళ్లి డంప్ చేస్తుంటుంది. దీనిక సంబంధించిన సీన్‌లో నేను ఆ డంపర్ ట్రక్‌లో నుంచి కిందపడితే ఆ బొగ్గు నాపై పడాలి. దీని కోసం సింథటిక్ బొగ్గు రెడీ చేశారు. అది మొత్తం డస్ట్‌తో ఉంటుంది’ అన్నాడు. అలాగే ‘ఆ సీన్‌లో నేను ఆ డంపర్‌లో నుంచి క్రింద పడిపోయాను. సింథటిక్ కోల్స్ కింద నుంచి నన్ను పైకి లాగడానికి కొంత సమయం పడుతుంది. ఆ గ్యాప్‌లో నేను గాలి పీల్చకుండా ఉండాలి. పీల్చితే డస్ట్ అంతా లోపలికి వెళ్లిపోతుంది. ఈ సీన్ జరిగిపోయిన చాలా రోజులపాటు నన్ను వెంటాడుతూనే వచ్చింది. డంప్‌లో నుంచి బొగ్గుతో పాటు నేను పడటం.. బొగ్గు నాపై పడటం.. నన్ను పైకి లాగడం.. ఇవన్నీ నాకు పదే పదే గుర్తుకొచ్చేవి. అది గుర్తోచ్చినప్పుడల్లా లోపల ఏదో ఇబ్బందిగా అనిపించేది. ఈ క్రమంలో తెలియకుండానే నేను శ్వాస ఆపడం చేస్తుండేవాడిని. దాని నుంచి బయటపడటానికి నాకు చాలా సమయం పట్టింది. దీనివల్ల రెండు నెలల పాటు సరిగా నిద్రపట్టలేదు’ అంటూ తెలిపారు.
