లండన్లో చిత్రీకరణ పునఃప్రారంభంకానున్న నేపథ్యంలో ‘బెల్బాటమ్’ చిత్రానికి అన్ని జాగ్రత్తలు తీసుకోనున్నట్లు తెలిపారు బాలీవుడ్ స్టార్ హీరో అక్షయ్కుమార్. ఆగస్టు నుంచి షూటింగ్ ప్రారంభం కానుంది. చిత్రీకరణ సమయంలో వైద్యులను కూడా అందుబాటులో ఉంచుకోనున్నట్లు వెల్లడించారు. చాలా కాలం తర్వాత మళ్లీ సెట్లో అడుగుపెట్టబోతుండటం ఆనందంగా ఉందని వెల్లడించారు. కరోనాతో దాదాపు నాలుగు నెలలపాటు నిలిచిపోయిన చిత్రీకరణలు, ప్రభుత్వాలు ఇచ్చిన సడలింపుల్లో భాగంగా పునఃప్రారంభమయ్యాయి. అయితే తాజాగా బాలీవుడ్ హీరో అక్షయ్కుమార్ నటిస్తోన్న చిత్రం ‘బెల్బాటమ్’ చిత్రీకరణను తిరిగి ప్రారంభమించడానికి సన్నాహాలు ముమ్మరం చేసింది చిత్రబృందం. ఆగస్టులో షూటింగ్కోసం లండన్ వెళ్లనుంది. ఇందుకోసం అన్ని జాగ్రత్త చర్యలు తీసుకోనున్నట్లు తెలిపారు అక్షయ్.
సెట్లో ప్రతి ఒక్కరి ఆరోగ్య పరిస్థితిని ఎప్పటికప్పుడు పర్యవేక్షించేందుకు వైద్యబృందాన్ని కూడా అందుబాటులో ఉంచనున్నట్లు స్పష్టం చేశారు. శానిటైజర్లు, మాస్కులు, ఫేస్ షీల్డులు, థర్మల్ స్కీనింగ్ సహా పలు జాగ్రత్తలు పాటిస్తామని తెలిపారు బాలీవుడ్ ఖిలాడీ. గతేడాది వచ్చిన కన్నడ ‘బెల్బాటమ్’కు రీమేక్ ఈ సినిమా. మాతృకలో రిషబ్ శెట్టి, హరిప్రియ ప్రధాన పాత్రలు పోషించారు. 1980లో జరిగిన నిజజీవిత సంఘటనల ఆధారంగా ఈ చిత్రాన్ని తెరకెక్కించారు. ఇందులో కథానాయకుడు అక్షయ్ డిటెక్టివ్గా కనిపించనున్నారు.
