కోలీవుడ్ సూపర్ హిట్ మూవీస్ లో గజిని ఒకటి. మురుగదాస్ డైరక్షన్ లో సూర్య హీరోగా వచ్చిన ఆ సినిమా 2005లో పెద్ద విజయం అందుకుంది. ఈ సినిమా తెలుగులో అల్లు అరవింద్ రిలీజ్ చేశారు. తెలుగులో కూడా గజిని అదరగొట్టేసింది. తెలుగులో సూర్యకు మంచి మార్కెట్ వచ్చేందుకు ఆ సినిమా ఎంతో సహకరించింది. ఇక ఆ సినిమా తర్వాత మురుగదాస్ ప్రతి సినిమా తెలుగులో రిలీజ్ అవుతూనే ఉంది.
లేటెస్ట్ గా గీతా ఆర్ట్స్ బ్యానర్ మీద గజిని 2 టైటిల్ రిజిస్టర్ చేశారట. గజిని సీక్వల్ గా గజిని 2 చేయాలని అల్లు అరవింద్ చాలా ఎక్సైటింగ్ గా ఉన్నాడట. మురుగదాస్ డైరక్షన్ లో ఈ సినిమా ఉంటుందా లేక తెలుగు దర్శకుడితో అల్లు అరవింద్ ఈ ప్రయత్నం చేస్తాడా అన్నది తెలియాల్సి ఉంది. ఒకవెళ మురుగదాస్, సూర్య కలిసి గజిని సీక్వల్ చేస్తే వరకు మళ్లీ ఆ సినిమా మరో సంచలనంగా మారే అవకాశం ఉంది. మరి గీతా ఆర్ట్స్ ఆ సినిమాకు డైరెక్ట్ నిర్మాతగా ఉంటారా లేరా అన్నది చూడాలి. తమిళ గజినిని హిందిలో అల్లు అరవింద్ రీమేక్ చేశారు. మురుగదాస్ డైరెక్ట్ చేసిన హింది గజిని కూడా బ్లాక్ బస్టర్ హిట్ అందుకుంది.
