నాగ్ అశ్విన్‌ దర్శకత్వంలో ప్రభాస్‌ నటించిన ‘కల్కి 2898 ఏడీ’ సినిమా వసూళ్ల సునామీ సృష్టిస్తోంది. అయితే ఈ సినిమాలో అశ్వత్థామ పాత్రలో నటించి మెప్పించిన బాలీవుడ్ మెగాస్టార్ అమితాబ్ బచ్చన్ ఈ చిత్రాన్ని తెలుగు ప్రేక్షకులతో కలిసి చూడాలని ఉందన్నారు. నాగ్ అశ్విన్ను స్పెషల్గా ఇంటర్వ్యూ చేసిన బిగ్బీ ఈ మేరకు మాట్లాడారు.
‘‘కల్కి’లో చేసినందుకు వస్తోన్న ప్రశంసలు నా నటనకు అనుకోవడం లేదు. ఆ పాత్ర, కాన్సెప్ట్‌కు వస్తున్నాయి. ‘కల్కి’లో దీపికా పదుకొణె పాత్ర అద్భుతం. ఈ ఐడియా వచ్చినందుకు మిమ్మల్ని (నాగ్ అశ్విన్‌) ప్రశంసించాలి. ఆమె నిప్పుల్లో నడుచుకుంటే వచ్చే సన్నివేశం హైలైట్‌. కానీ అందులో తనకేం కాకుండా చూపించారు. ఈ విషయంపై నేను ప్రేక్షకుల అభిప్రాయాలు తెలుసుకోవాలి. సినిమా ఎలా ఉందని వాళ్లను అడిగి కనుక్కోవాలి. హైదరాబాద్‌లో ఉన్న తెలుగు ప్రేక్షకుల మధ్య కూర్చొని సినిమా చూడాలి. ఎందుకంటే వాళ్లు సినిమాను బాగా ఎంజాయ్‌ చేస్తున్నారు’ అని అమితాబ్ బచ్చన్ అన్నారు.
