చైత్ర రాయ్ ఈ పేరు వెండితెర ప్రేక్షకులకు తెలియదేమో కానీ.. బుల్లితెర ప్రేక్షకులకు మాత్రం బాగా తెలుసు. చైత్ర కంటే అష్టాచమ్మా స్వప్న అంటే ఇంకా బాగా గుర్తు పడతారు. ఈ భామ కొన్నేళ్లుగా బుల్లితెరపై ఏకఛత్రాధిపత్యం చూపించింది. పాప పుట్టిన తర్వాత కాస్త గ్యాప్ తీసుకుంది ప్రస్తుతం ఫ్యామిలీ లైఫ్ను ఎంజాయ్ చేస్తోంది.
అయితే పాపతో జాలీగా గడుపుతున్న చైత్రకు ఓ బంపర్ ఆఫర్ వచ్చింది. ఆఫర్ అంటే అట్టాంటి ఇట్టాంటి ఆఫర్ కాదు. ఏకంగా పాన్ ఇండియా స్టార్ ఎన్టీఆర్ నటిస్తున్న పాన్ ఇండియా సినిమాలో. అది కూడా బాలీవుడ్ స్టార్ హీరో సైఫ్ అలీ ఖాన్కు జంటగా నటించే ఛాన్స్. అదిరింది కదా.
యంగ్ టైగర్ ఎన్టీఆర్ నటిస్తున్న పాన్ ఇండియా సినిమా NTR 30లో బాలీవుడ్ స్టార్ యాక్టర్ సైఫ్ అలీ ఖాన్ ప్రతినాయకుడిగా కనిపించనున్నారు. ఆయనకు భార్య పాత్ర పోషించే అవకాశం చైత్ర రాయ్కు దక్కినట్లు తెలిసింది. ఇప్పటికీ చిత్రీకరణలో కూడా పాల్గొన్నారని సమాచారం అందింది.
