కేంద్ర మంత్రితో చిరంజీవి, నాగార్జున భేటీ

నిన్న హైదరాబాద్ పర్యటనకు వచ్చిన కేంద్ర మంత్రి అనురాగ్ ఠాకూర్ తో మెగాస్టార్ చిరంజీవి, నాగార్జున, నిర్మాత అల్లు అరవింద్ భేటి అయ్యారు. ఇండియన్ సినిమా ఇండస్ట్రీ, దాని పురోగతి గురించి ఆహ్లాదకరమైన చర్చ జరిపినట్లు చిరంజీవి ట్వీట్ చేశారు.

తమకోసం సమయం కేటాయించినందుకు కేంద్రమంత్రికి ధన్యవాదాలు తెలుపుతున్నానని రాసుకొచ్చారు. ఇక అంతకు ముందు.. కేంద్ర మంత్రి అనురాగ్ ఠాకూర్ మీడియాతో మాట్లాడుతూ, తెలంగాణ బిల్ పార్లమెంట్ లో ప్రవేశ ప్రవేశ పెట్టినప్పుడు నేను కూడా ఉన్నానని.. ఎన్నికల సమయంలో చెప్పిన అన్ని విషయాలు మరిచి పోయారని తెలిపారు. డబుల్ బెడ్ రూమ్ ఇళ్ల తో పాటు చాలా హామీలు ఇక్కడ అమలు కాలేదని.. మినిమం గవర్నెన్స్, మాక్సిమం కరప్షన్ జరుగుతుందని వెల్లడించారు. మేము ఎయిర్ పోర్ట్ లు నిర్మాణం చేస్తాం అంటే ఇక్కడ నుంచి రిపోర్ట్ రావట్లేదని.. నేషనల్ హైవే లు నిర్మిస్తాం అంటే.. ఇక్కడ ల్యాండ్ అక్విసెషన్ చేయట్లేదని వివరించారు.