ఆదిపురుష్ నుంచి అదిరిపోయే పోస్టర్.. హనుమంతుడు వచ్చేశాడు

రెబల్‌ స్టార్‌ ప్రభాస్‌ కు ఉన్న క్రేజ్‌.. గురించి ప్రత్యేకంగా చెప్పనక్కర్లేదు. అయితే…ప్రస్తుతం ప్రభాస్… వరుస సినిమాలతో దూసు కువెళుతున్నాడు.. నేషనల్ స్టార్ అయ్యాక మరింత స్పీడు పెంచి వరుస పెట్టి సినిమాలు ఒప్పుకుంటున్నాడు. ఇక ఇందులో ముఖ్యంగా ప్రభాస్ హీరోగా బాలీవుడ్ దర్శకుడు ఓం రౌత్ దర్శకత్వంలో ఆదిపురుష్ పేరుతో సినిమా తెరకెక్కుతున్న సంగతి తెలిసిందే.

ఆదిపురుష్ లో ప్రభాస్ రాముడి గా కనిపిస్తున్నాడు‌. రావణుడిగా బాలీవుడ్ నటుడు సైఫ్ ఆలీ ఖాన్ చేస్తున్నారు. ఆ పాత్ర పేరుని లంకేష్ అని ప్రకటించారు కూడా. లంకేష్ పాత్రలో కనిపించనున్నారు సైఫ్ ఆలీ ఖాన్. ఈ సినిమా ప్రస్తుతం షూటింగ్‌ దశలోనే ఉంది. అయితే.. తాజాగా ఆదిపురుష్ సినిమా నుంచి అదిరిపోయే అప్డేట్ ఇచ్చాడు. హనుమాన్‌ జయంతి పండుగ నేపథ్యంలో ఈ సినిమా నుంచి అదిరిపోయే పోస్టర్ను రిలీజ్ చేశారు. హనుమంతుడి పోస్టర్ ను వదిలింది చిత్ర బృందం. రామ్ కే భక్త్ ఔర్ రామకథ కే ప్రాణ్…జై పవన్‌పుత్ర హనుమాన్! అంటూ ఈ పోస్టర్‌ పై రాసుకొచ్చారు దర్శకుడు ఓం రౌత్‌.