అమ్మరాజ్యంలో కడప బిడ్డలు సినిమాపై అభ్యంతరం చెబుతూ… ప్రజాశాంతి పార్టీ అధ్యక్షుడు కే ఏ పాల్ కంప్లైంట్ ఇవ్వడంతో… హైదరాబాద్ సైబర్ క్రైమ్ పోలీసులు కేసు నమోదు చేశారు. దీనిపై డైరెక్టర్ రాంగోపాల్ వర్మకు నోటీస్ పంపారు. ఈ రోజు సైబర్ క్రైమ్ పోలీసుల ఎదుట 11 గంటలకు హాజరు కావాలని ఆదేశించారు. అమ్మ రాజ్యంలో కడప బిడ్డలు సినిమాకి సంబంధించి తన ఫోటోలు, వీడియోలు మార్ఫింగ్ చేశారని కేఏ పాల్ తన కంప్లైంట్లో తెలిపారు. ఈ సినిమాకి సంబధించిన సెన్సార్ సర్టిఫికెట్ను కే ఏ పాల్… వర్మకు నవ్వుతూ ఇస్తున్నట్లుగా ఓ ఫొటో సోషల్ మీడియాలో రిలీజైంది.
నిజానికి ఇది కే ఏ పాల్ రాష్ట్రపతిని కలిసినప్పటి ఫొటో. దాన్ని మార్ఫింగ్ చెయ్యడంపై ఆయన అభ్యంతరం చెబుతున్నారు. ఈ క్రమంలోనే వీళ్ళ ముందు హాజరు కాబోతున్నాడు వర్మ. మరోవైపు తాను కూడా కేఏ పాల్పై పరువునష్టం దావా వేస్తానని చెబుతున్నాడు ఆర్జీవీ. ఇక ఆమ్మ రాజ్యంలో కడప బిడ్డలు సినిమా విషయానికి వచ్చే సరికి సినిమా మొదలు నుండే చాలా వివాదాలను సృష్టిస్తూ వచ్చింది ఈ సినిమా. టైటిల్ నుంచి, ట్రైలర్ వరకు అన్ని వివదాస్పదంగా మారిన విషయం తెలిసిందే.