అలనాటి మహానటి సావిత్రి పాత్రలో ఒదిగిపోయిన అందాల నటి కీర్తి సురేశ్. ‘మహానటి’ ఫిల్మ్ తో నేషనల్ అవార్డు పొందిన ఈ సుందరి..తన నటనతో ప్రేక్షకులను మంత్ర ముగ్ధుల్ని చేసింది. ప్రజెంట్ స్టార్ హీరోయిన్ గా దూసుకుపోతోంది ఈ అమ్మడు. సోషల్ మీడియాలో ఎప్పుడు యాక్టివ్ గా ఉంటూ ప్రతీ విషయాన్ని ఎప్పడికప్పుడు షేర్ చేస్తుంటుంది ఈ ముద్దు గుమ్మ.
అయితే తాజాగా ఈ స్టార్ హీరోయిన్ కీర్తి సురేష్ రాజకీయాల్లోకి ఎంట్రీ ఇవ్వనున్నారు అన్న వార్త మరోసారి వినిపిస్తోంది. ఇటీవల ఓ ఇంటర్వ్యూలో పాల్గొన్న ఆమె రాజకీయాల్లోకి వచ్చే ఆలోచన ఉందా? అని అడగగా ఆ విషయం గురించి ఆలోచిస్తానని చెప్పారు. దీంతో ఆమె రాజకీయాల్లోకి వస్తారని కోలీవుడ్ లో ప్రచారం జరుగుతోంది. అంతేకాదు తమిళనాడు మంత్రి ఉదయనిధి స్టాలిన్ తో మంచి స్నేహబంధం ఉండటం కూడా కీర్తికి ప్లస్ పాయింట్ అని చెబుతున్నారు.
