మెగా ప్రిన్స్ వరుణ్ తేజ్ గురించి తెలియని వారుండరు. అయితే.. మెగా ప్రిన్స్ వరుణ్ తేజ్ హీరోగా నటిస్తున్న పాన్ ఇండియా మూవీ మట్కా. ఈ చిత్రానికి సంబంధించిన అప్డేట్స్ గురించి మెగా అభిమానులు ఎంతో ఆసక్తిగా ఎదురుచూస్తున్నారు. చిత్ర యూనిట్ చెప్పినట్టుగానే తాజాగా ట్రైలర్‌ ని లాంచ్ చేశారు. మెగాస్టర్‌ చిరంజీవి చేతుల మీదుగా ట్రైలర్‌ ని లాంచ్ చేశారు.
ఈ మూవీలో మీనాక్షీ చౌదరి హీరోయిన్ గా నటిస్తోంది. 1958 నుంచి 1982 వరకు సాగే పీరియాడిక్ కథలో వరుణ్ తేజ్ నాలుగు విభిన్నమైన అవతారాల్లో కనిపించనున్నారు. నవంబర్ 14న మట్కా మూవీ విడుదల కానుంది. మనం ఆశని అమ్ముతాం.. నమ్మకాన్ని కొంటాం.. అంటూ వరుణ్ తేజ్ చెప్పిన డైలాగ్ ఆకట్టుకుంటోంది. ఈ సినిమా ప్రమోషన్లు ఇప్పటికే షురు అయ్యాయి. మంచి హైప్ క్రియేట్ అవుతోంది. మట్కా మూవీ హిట్ కావడం పక్కా అని ట్రైలర్‌ చూస్తే.. స్పష్టంగా అర్థమవుతోంది.
