పవర్ స్టార్ పవన్ కల్యాణ్-సాయిధరమ్‌ తేజ్ కలిసి నటించిన సినిమా ‘బ్రో’. జులై 28న ఈ చిత్రం థియేటర్లలో సందడి చేయనుంది. ఈ నేపథ్యంలో హైదరాబాద్లో ఈ సినిమా ప్రీ రిలీజ్ ఈవెంట్ జరిగింద. ఈ ఈవెంట్కు పవన్, సాయితేజ్ సహా వరుణ్ తేజ్, వైష్ణవ్ తేజ్ వంటి మెగా హీరోలు హాజరయ్యారు. ఈ సినిమాలో నటించిన హాట్ బ్యూటీస్ కేతిక శర్మ – ప్రియా ప్రకాశ్‌ వారియర్‌ కూడా వచ్చారు. మెగా హీరోలంతా ఒకే వేదికపై కనిపించడంతో అభిమానులు ఫుల్ ఖుష్ అయ్యారు. ప్రస్తుతం ఈ ఈవెంట్కు సంబంధించిన ఫొటోలు నెట్టింట తెగ వైరల్ అవుతున్నాయి.
ఒరిజినల్ వెర్షన్ వినోదయ సీతమ్కు దర్శకత్వం వహించిన సముద్రఖనినే బ్రో చిత్రానికి దర్శకత్వం వహించారు. మాటల మాంత్రికుడు త్రివిక్రమ్ స్క్రీన్ ప్లే, మాటలు అందించారు. సినిమాలో పవన్ కల్యాణ్ టైమ్ అనే మోడ్రన్ దేవుడి పాత్రలో కనిపించనుండగా.. సాయితేజ్ మార్క్ అనే పాత్రలో కనిపించనున్నారు.
అనుకోని ప్రమాదంలో చనిపోయిన వ్యక్తికి దేవుడి కనిపించి బతకడానికి రెండో అవకాశం ఇస్తే.. ఎలాంటి పరిణామాలు జరిగాయి అన్న కథాంశంతో ఈ సినిమాను తెరకెక్కించారని తెలిసింది.
