బిగ్బాస్ తెలుగు షోతో ఫుల్ ఫాలోయింగ్ తెచ్చుకున్నాడు నటుడు సోహైల్. ఆ షోతో వచ్చిన పాపులారిటీతో ఏకంగా హీరో అయిపోయాడు. బుల్లితెరపై సందడి చేసిన సోహైల్ ఇప్పుడు వెండితెరపై తన అదృష్టాన్ని పరీక్షించుకుంటున్నాడు. ఈ క్రమంలోనే ఇటీవల ఓ సెన్సిటివ్ సబ్జెక్ట్తో ముందుకు వచ్చాడు. సోహెల్ హీరోగా నటించిన విభిన్న కథా చిత్రం ‘మిస్టర్‌ ప్రెగ్నెంట్‌’. శ్రీనివాస్‌ వింజనంపాటి దర్శకత్వం వహించారు.
పురుషుడు గర్భం దాలిస్తే ఎలాంటి పరిస్థితులు ఎదురవుతాయి? అనే ఆసక్తికర కథాంశంతో ఈ సినిమా సిద్ధమైంది. ఆగస్టు 18వ తేదీన థియేటర్లలో విడుదలైంది. ఈ చిత్రానికి ప్రేక్షకులు బ్రహ్మరథం పట్టారు. ఈ సినిమా ఓవైపు యువత నుంచి మరోవైపు మహిళలను మంచి స్పందన సొంతం చేసుకుంది. త్వరలో ఈ సినిమా ఓటీటీలోకి అడుగుపెట్టనుందట. అమెజాన్ ప్రైమ్ వీడియో వేదికగా అక్టోబర్‌ 6వ తేదీ నుంచి ఇది ప్రేక్షకులకు అందుబాటులో ఉండనుందట. ఈ విషయాన్ని అమెజాన్ ప్రైమ్ తన సోషల్ మీడియా ఖాతాలో వెల్లడించింది. ఇంకెందుకు ఆలస్యం.. సినిమా ఇలా ఓటీటీలోకి రాగానే అలా చూసేయండి మరి.
