అయితే ప్ర‌స్తుతం క‌రోనా వైర‌స్ ఉధృతి కొంత మేర త‌గ్గ‌డంతో సెల‌బ్రిటీలు విహార యాత్ర‌ల‌కు వెళుతున్నారు. కానీ యంగ్ హీరో న‌వ‌దీప్ మాత్రం హిమాల‌యాల్లో సాహ‌స‌యాత్ర‌కు వెళ్ల‌డం ఆస‌క్తిని రేకెత్తిస్తోంది. ఈ పాండ‌మిక్ టైమ్‌లో భ‌యం భ‌యంతో ఇంటి వ‌ద్దే గ‌డిపిన వారంతా రిలాక్స్ కోసం వెకేష‌న్‌కి వెళుతుంటే న‌వ‌దీప్ మాత్రం ఫ్రెండ్స్‌తో క‌లిసి హిమాల‌యాల‌కు రోడ్ ట్రిప్‌కి వెళ్లాడు.
ఈ ట్రిప్‌కి సంబంధించిన ఆస‌క్తిక‌ర‌మైన వీడియోల‌ని సోష‌ల్ మీడియా ఇన్ స్టాలో పోస్ట్ చేశాడు. ప్ర‌స్తుతం ఇవి వైర‌ల్‌గా మారాయి. `క‌రోనా మ‌హ‌మ్మారి స‌మ‌యంలో ప్ర‌యాణించ‌డం సిర‌కొత్త అనుభ‌వం. ఇది నా జీవితాన్ని మార్చే అనుభ‌వంగా భావిస్తున్నాను. మేము మైన‌స్ ఐదు డిగ్రీల కంటే త‌క్కువ ఉష్ణోగ్ర‌త‌లో ఉన్నాం. ఈ ప్ర‌యాణంలో మూడు సార్లు కోవిడ్ ప‌రీక్ష చేయించుకోవాల్సి వ‌చ్చింది` అని న‌వ‌దీప్ ఆస‌క్తిక‌ర‌మైన పోస్ట్‌ని షేర్ చేశాడు.
