Ajith Kumar- Vijay: క్రేజీ కాంబినేషన్..అజిత్ కుమార్-విజయ్ హీరోలుగా మూవీ..డైరెక్టర్ ఎవరంటే?

దర్శకధీరుడు ఎస్.ఎస్.రాజమౌళి తెరకెక్కించిన RRR సినిమాతో మల్టీస్టారర్ ట్రెండ్ కు అడుగులు పడ్డాయి. ఈ పిక్చర్ సూపర్ సక్సెస్ అయిన నేపథ్యంలో సరైన స్టోరి, డైరెక్టర్ వస్తే కనుక తాము కూడా మల్టీస్టారర్ సినిమా చేయడానికి రెడీ అని ఇప్పటికే కొందరు స్టార్ హీరోలు పేర్కొన్నారు. ఈ క్రమంలోనే ఓ క్రేజీ కాంబినేషన్ తెర మీదకు వచ్చింది. ఈ విషయమై ప్రముఖ డైరెక్టర్ ఆసక్తికర వ్యాఖ్యలు కూడా చేశారు. ఇందుకు సంబంధించిన వీడియో సోషల్ మీడియాలో బాగా వైరలవుతోంది.

కోలీవుడ్ స్టార్ హీరోలు అజిత్ కుమార్, విజయ్ లకు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పనక్కర్లేదు. సెపరేట్ ఫ్యాన్ బేస్ తో ఇద్దరూ సినీ చిత్ర సీమలో దూసుకుపోతున్నారు. తెలుగు నాట కూడా వీరి సినమాలకు మంచి మార్కెటే ఉంది. ఇక వీరిద్దరు కలిసి ఒక సినిమా చేస్తే ఎలా ఉంటుందో ఊహించుకోండి..అయితే, వీరిద్దరిని డీల్ చేయగల డైరెక్టర్ ముఖ్యం. కాగా, ఆ డైరెక్టర్ ఎవరో తెలిసిపోయింది.

తనకు అజిత్ కుమార్-విజయ్ లను కలిపి పిక్చర్ తీయాలనుందని స్టార్​ డైరెక్టర్​ వెంకట్ ప్రభు తాజాగా తెలిపారు. ఇటీవల శింబు హీరోగా ఈయన దర్శకత్వంలో తెరకెక్కిన ‘మానాడు’ పిక్చర్ సూపర్ హిట్ అయింది. టైమ్ ట్రావెల్ స్టోరిలాగా ఉన్న ఈ సినిమా మూవీ లవర్స్ ను విశేషంగా ఆకట్టుకుంంది.

తాజాగా చెన్నైలోని ఓ కాలేజ్​ ఫంక్షన్‌లో వెంకట్ ప్రభు మాట్లాడుతూ..ఈ క్రేజీ కాంబినేషన్ గురించి చెప్పారు. తన వద్ద అజిత్ కుమార్, విజయ్ .. ఇద్దరు హీరోలకు సరిపోయే స్టోరి ఉందని, తన మనసులోని మాట చెప్పారు. చూడాలి మరి.. ఈ ప్రాజెక్టు కోసం నెక్స్ట్ ఏ మేరకు అడుగులు పడతాయో..