బాలీవుడ్లో హీరో అక్షయ్ కుమార్ జయాపజయాలతో సంబంధం లేకుండా సినిమాలు చేసుకుంటూనే వెళ్తున్నాడు. ఏడాదికి కనీసం మూడు సినిమాలైనా రిలీజ్ అయ్యేలా ప్లాన్ చేసుకుంటాడు అక్షయ్. ఇక అందులో కనీసం ఒక్కటైన కలెక్షన్ల వర్షం కురిపించడం పక్కా. అయితే గత కొంతకాలంగా అక్షయ్కు సరైన హిట్ లేదు. అయినా సరే ఈ హీరో దూకుడు మాత్రం తగ్గడం లేదు. వరుస పెట్టి సినిమాలు చేసుకుంటూ తన హవా కొనసాగిస్తున్నాడు.
ఇక బీ టౌన్లో ఓ మైగాడ్ సినిమా గురించి ప్రత్యేకంగా చెప్పనక్కర్లేదు. ఆ సినిమాకు వచ్చిన క్రేజ్తో సీక్వెల్ ప్లాన్ చేసారు దర్శకనిర్మాతలు. ఆ సీక్వెల్ ఓ మై గాడ్-2లో అక్షయ్ కుమార్ నటించాడు. ఆగస్టు 11న ప్రేక్షకుల ముందుకు వచ్చి ఈ చిత్రం బాక్సాఫీస్‌ వద్ద మిక్స్డ్ టాక్ను సొంతం చేసుకుంది. అమిత్‌ రాయ్‌ దర్శకత్వంలో తెరకెక్కిన ఈ చిత్రంలో అక్షయ్ దేవుడి పాత్రలో కనిపించి సందడి చేశాడు. అక్షయ్తో పాటు పంకజ్‌ త్రిపాఠి, యామీ గౌతమ్‌, గోవింద నామ్‌దేవ్‌ కీలక పాత్రలు పోషించారు. తాజాగా ‘OMG2’ ఓటీటీ వేదికగా స్ట్రీమింగ్‌ అయ్యేందుకు రంగం రెడీ అయింది. ప్రముఖ ఓటీటీ వేదిక నెట్‌ఫ్లిక్స్‌లో అక్టోబరు 8వ తేదీ నుంచి స్ట్రీమింగ్‌ కానుంది. ఈ విషయాన్ని తెలియజేస్తూ సదరు ఓటీటీ సంస్థ పోస్టర్‌ను విడుదల చేసింది.
