కరోనా సమయంలో ఓటీటీలో రిలీజ్ అయి సెన్సేషన్ సృష్టించిన సినిమా ‘మా ఊరి పొలిమేర’. సత్యం రాజేశ్‌, బాలాదిత్య ప్రధాన పాత్రల్లో నటించిన ఈ క్రైమ్‌-సస్పెన్స్‌ థ్రిల్లర్‌ డిస్నీ ప్లస్‌ హాట్‌ స్టార్ వేదికగా ఓటీటీలో రిలీజైన ఈ చిత్రం సూపర్ హిట్ టాక్‌ను దక్కించుకుంది. క్షుద్ర పూజలు, తంత్రాలు వంటి అంశాలతో ఆద్యంతం ఉత్కంఠ రేపిన ఈ సినిమా సీక్వెల్ కోసం ఎంతో మంది అభిమానులు చాలా ఆసక్తిగా ఎదురుచూశారు.
ఇప్పుడీ సినిమాకు సీక్వెల్ తెరకెక్కిస్తున్న సంగతి తెలిసిందే. ఈ సీక్వెల్‌కు సంబంధించి ఓ సూపర్ అప్డేట్ను మూవీటీమ్ ఇచ్చింది. ‘మా ఊరి పొలిమేర 2’ ఈ సారి థియేటర్లలో రానున్నట్లు తెలిపింది. నవంబర్‌ 2న రిలీజ్ కానుందంటూ ఓ స్పెషల్ పోస్టర్‌ను రిలీజ్ చేసింది. డాక్టర్‌ విశ్వనాథ్‌ ఈ చిత్రానికి దర్శకత్వం వహించారు. సినిమాలో కామాక్షి భాస్కర్ల, గెటప్‌ శ్రీను, రవి వర్మ, చిత్రం శ్రీను తదితరులు ఇతర కీలక పాత్రల్లో నటించారు.
#Polimera2 in Cinemas 2nd Novemer, are you excited 😄🔥🔥 pic.twitter.com/v4o6HMk0oX
— RatpacCheck (@RatpacCheck) August 30, 2023
