ఆదిపురుష్ బాగాలేదన్న వ్యక్తి.. చితక్కొట్టిన అభిమానులు

తెలుగు రాష్ట్రాల్లోని అన్ని థియేటర్ల వద్ద ఆది పురుష్ మేనియా కొనసాగుతోంది. ఎక్కడ చూసినా అభిమానుల కోలాహాలం కనిపిస్తోంది. ఈ క్రమంలో ఐమాక్స్ థియేటర్ వద్ద ఒక వ్యక్తి ఆది పురుష్ సినిమా బాగాలేదని యూట్యూబ్ ఛానళ్లతో చెప్పాడు. దీంతో అభిమానులు అతన్ని చితక్కొట్టారు. ప్రస్తుతం ఈ వీడియో నెట్టింట వైరల్ అవుతుంది.

ఇది ఇలా ఉండగా, హైదరాబాద్ లోని భ్రమరాంబ థియేటర్లో ఓ ప్రేక్షకుడిపై దాడి జరిగింది. ఈ తెల్లవారుజామున ఆది పురుష్ షో చూసేందుకు వచ్చిన ఆ వ్యక్తి హనుమంతుడికి కేటాయించిన సీట్లో కూర్చున్నాడు. దీంతో ఆగ్రహించిన కొందరు అతనిపై దాడి చేశారు. థియేటర్ సిబ్బంది వచ్చి గొడవ సర్దుమనిగేలా చూసి మరోచోట కూర్చోబెట్టారు. సీటులో కూర్చున్న వ్యక్తి మద్యం సేవించి ఉన్నట్లు ఫ్యాన్స్ తెలిపారు.