సుప్రీం హీరో సాయిధరమ్ తేజ్ యాక్సిడెంట్ తర్వాత సినిమా ఎంపికల్లో దూకుడు చూపిస్తున్నాడు. ఇటీవలే బ్రో సినిమాతో అదరగొట్టిన ఈ హీరో తాజాగా మరో చిత్రంతో ముందుకు రాబోతున్నాడు. సాయిధరమ్ తేజ్ – దర్శకుడు సంపత్ నంది కాంబినేషన్లో ఓ సినిమా తెరకెక్కుతున్న విషయం తెలిసిందే.
ఇవాళ ఈ సుప్రీం హీరో సాయిధరమ్ తేజ్ పుట్టిన రోజు సందర్భంగా.. మూవీటీమ్ అధికారికంగా సినిమా టైటిల్ను అనౌన్స్ చేసింది. అదే విధంగా చిన్న గ్లింప్స్ వదిలింది. ఈ చిత్రానికి ‘గాంజా శంకర్’ అనే పేరును ఖరారు చేస్తూ.. వీడియో గ్లింప్స్ను రిలీజ్ చేసింది మూవీ టీమ్. 1 నిమిషం 40 సెకన్ల నిడివి ఉన్న ఈ వీడియో గ్లింప్స్ అదిరిపోయింది. లోకల్ మ్యాన్గా తేజ్.. ఊరమాస్ లుక్లో అదరగొట్టాడు.
‘ఆడు సిన్నప్పుడే సదువు బంజేసిండు.. అమ్మానాయనలు చెప్తే వినుడు లేదు.. అడ్డమైన తిరుగులన్నీ తిరుగుతడు.. ఇక జర్దాలు.. సరదాలు.. గుట్కాలు.. తాగుడు.. మన్ను మశానం వానికి లేని దరిద్రపు అలవాటు లేదు’….. ‘పదుంటే పార్కులో పంటడు.. పది వేలుంటే పార్క్ హయాత్లో ఉంటడు’.. అంటూ హీరో ఇంట్రడక్షన్ డైలాగ్స్ కూడా ఊరమాస్గా ఉన్నాయి. మరి మీరూ ఈ గ్లింప్స్ చూసేయండి.
