సీనియర్ హీరోయిన్ శిల్పా శెట్టి తెలుగు ప్రేక్షకులకు సుపరిచితమే. ప్రస్తుతం బాలీవుడ్ కు పరిమితమైన ఈ నటి..తెలుగు సూపర్ హిట్ చిత్రాల్లో కథానాయికగా నటించింది. ప్రస్తుతం ఓ వైపున బాలీవుడ్ సినిమాల్లో నటిస్తూనే మరో వైపున బుల్లితెరపైన సందడి చేస్తోంది.
తాజాగా మరో నయా అవతారమెత్తింది ఈమె. వెరీ డిఫరెంట్ రోల్ ప్లే చేస్తూ డిజిటల్ ఎంట్రీ ఇవ్వబోతున్నది. ఇందుకు సంబంధించిన అఫీషియల్ అనౌన్స్ మెంట్ ఇన్ స్టా గ్రామ్ వేదికగా చేసింది రాజ్ కుంద్రా వైఫ్.
బాలీవుడ్ టాలెంటెడ్ డైరెక్టర్ రోహిత్ శెట్టి అమెజాన్ ప్రైమ్ తో కలిసి ‘ఇండియన్ పోలీస్ ఫోర్స్’ అనే టైటిల్ తో వెబ్ సిరీస్ రూపొందించారు. సిద్ధార్థ్ మల్హోత్ర మెయిన్ రోల్ ప్లే చేస్తుండగా, ఇందులో శిల్పాశెట్టి కూడా జాయిన్ అయింది.
ఢిల్లీ పోలీస్ డిపార్ట్ మెంట్ లో స్పెషల్ సెల్ ఆఫీసర్ గా సిద్ధార్థ్ మల్హోత్ర కనిపించనుండగా, అదే టీమ్ లో స్పెషల్ పోలీస్ ఆఫీసర్ గా శిల్పా శెట్టి నటిస్తోంది. ఇందుకు సంబంధించిన పోస్టర్ రిలీజ్ చేసింది నటి. పోలీస్ డ్రెస్‌లో చేతిలో గ‌న్ ప‌ట్టుకుని ఉన్న ఉన్న పోస్టర్ చాలా స్టైలిష్ గా ఉంది. పోలీస్ ఆఫీసర్ గా శిల్పాశెట్టి క్రిమినల్స్ గా ఇక చుక్కలు చూపించనుంది. ఈ ‘ఇండియన్ పోలీస్ ఫోర్స్’ వెబ్ సిరీస్ ఎనిమిది పార్ట్స్ గా రిలీజ్ కానుంది.
