సినిమాలకి దూరంగా ఉంటున్న శోభన్ బాబు కొడుకు.. కారణం..?

తెలుగు చిత్ర పరిశ్రమలో నటుడు శోభన్ బాబు గురించి మనం ప్రత్యేకంగా చెప్పనవసరం లేదు. ఆంధ్ర సోగ్గాడి గా గుర్తింపు తెచ్చుకున్న శోభన్ బాబు ఎన్నో చిత్రాలలో నటించి ప్రేక్షకులలో మంచి గుర్తింపు సొంతం చేసుకోవడమే కాకుండా తన నటనతో ఎంతో మంది అభిమానులను సంపాదించుకున్నారు. ముఖ్యంగా తన అందంతో ఎంతో మంది అమ్మాయిల మనసు దోచుకున్న శోభన్ బాబు ఆంధ్ర సోగ్గాడు గా గుర్తింపు తెచ్చుకొని..తన జుట్టుతో కూడా ఎంతోమందికి ఫ్యాషన్ మోడల్ గా కూడా నిలిచారు. ఇక సాధారణంగా ఎవరైనా సరే సినీ ఇండస్ట్రీలో అగ్రతారలుగా కొనసాగుతున్నారు అంటే ఆ తరువాత వారి వారసులను కూడా ఇండస్ట్రీలోకి ప్రవేశింప చేస్తూ ఉంటారు. ఈ క్రమంలోనే ఎన్టీఆర్, ఏఎన్నార్, కృష్ణ , రామానాయుడు వంటి పెద్ద పెద్ద స్టార్లు కూడా తమ వారసులను ఇండస్ట్రీకి పరిచయం చేశారు.కానీ శోభన్ బాబు మాత్రం తన కొడుకును ఇండస్ట్రీకి దూరంగా ఉంచారు.. ఇక ఈ విషయాన్ని తాజాగా ప్రముఖ నటుడు రాజారవీంద్ర వెల్లడించారు. రాజా రవీంద్ర ఒక ఇంటర్వ్యూలో మాట్లాడుతూ.. శోభన్ బాబు గారి దగ్గరకు వెళ్లి మీ కొడుకును ఎందుకు హీరో చేయలేదు అని అడగగా ఆ సమయంలో శోభన్ బాబు నేను బాగా కష్ట పడుతున్నాను.. ఇక ప్రతి సినిమా విషయంలో కూడా టెన్షన్ పడతాను అలాగే పెడతాను కూడా ..ఇక ఈ టెన్షన్స్ అన్నీ నా కొడుకుకి ఎందుకు అని.. శోభన్ బాబు తెలిపినట్టు రాజారవీంద్ర తెలిపాడు. ఒక రకంగా చూసుకుంటే సినిమాల వల్ల కలిగే టెన్షన్ తట్టుకోలేక శోభన్ బాబు కొడుకు కూడా ఇండస్ట్రీకు దూరంగా ఉన్నట్లు తెలుస్తోంది. ప్రస్తుతం శోభన్ బాబు కొడుకు తన తండ్రి ఆస్తులను వారసత్వంగా తీసుకొని రియల్ ఎస్టేట్ బిజినెస్ రంగంలో దూసుకుపోతున్నారు.