కన్నడ ముద్దుగుమ్మ శ్రీ లీలా గురించి ప్రత్యేకంగా పరిచయం అవసరం లేదు. దర్శక ధీరుడు రాఘవేంద్రరావు పర్యవేక్షణలో వచ్చిన పెళ్లి సందD సినిమాతో తెలుగు ప్రేక్షకులను ఆకట్టుకున్న ఈమె గత ఏడాది రవితేజ ధమాకా సినిమాలో నటించి ఓవర్ నైట్ లోనే స్టార్ హీరోయిన్ అయిపోయింది. ప్రస్తుతం తెలుగులో హీరోయిన్ల కొరత తక్కువగా ఉన్న నేపథ్యంలో స్టార్ సీనియర్ హీరోల నుంచి జూనియర్ హీరోల వరకు ప్రతి ఒక్కరి సినిమాలోకి కూడా ఈమె కేరాఫ్ అడ్రస్ గా మారిపోయింది. దీంతో ఈమె డిమాండ్ కూడా భారీగా పెంచేసిందని చెప్పాలి.
ఇప్పటికే సీనియర్ హీరోలతో కలుపుకొని స్టార్ హీరోల సినిమాల వరకు 9 సినిమాలను లైన్లో పెట్టిన శ్రీ లీల ఇప్పుడు ఐటమ్ సాంగ్ లో నటించడానికి కూడా సిద్ధమవుతోంది. ఈ క్రమంలోనే పవన్ కళ్యాణ్ సరసన ఉస్తాద్ భగత్ సింగ్ సినిమాలో అవకాశం దక్కించుకున్న ఈమె.. మరొకసారి పవన్ కళ్యాణ్ ,సాయి ధరంతేజ్ కలిసి నటిస్తున్న బ్రో సినిమాలో కూడా ఐటమ్ సాంగ్ కి అవకాశం దక్కించుకున్నట్లు సమాచారం. బ్రో సినిమా షూటింగ్ దాదాపు పూర్తయింది. ఇక త్వరలోనే విడుదలకు కూడా సిద్ధం కాబోతోంది.
ఇదిలా ఉండగా ఈ సినిమాలో ఒక ఐటమ్ సాంగ్ ఉందని.. అందులో శ్రీ లీల ను సంప్రదించగా ఆమె ఏకంగా 2 కోట్ల రూపాయలను డిమాండ్ చేస్తున్నట్లు సమాచారం.ప్రస్తుతం ఒక్కో సినిమాకు రూ.3 కోట్ల వరకు పారితోషకం తీసుకుంటున్న ఈమె ఏకంగా ఐటమ్ సాంగ్ కోసమే రూ.2 కోట్లు డిమాండ్ చేయడంతో ప్రతి ఒక్కరు ఆశ్చర్యపోతున్నారు. ఇక పవన్ కళ్యాణ్ అభిమానులైతే ఈమెపై విరుచుకుపడుతున్నారు కూడా.. మరి దీనిపై క్లారిటీ త్వరలోనే రానున్నట్లు సమాచారం.
