ఐకాన్ స్టార్ అల్లు అర్జున్ నటించిన పుష్ప పార్ట్ -1 మూవీ పాన్ ఇండియా వైడ్ విడుదలై ఘనవిజయం సాధించిన విషయం తెలిసిందే. ప్రస్తుతం ఈ సినిమా రెండో పార్ట్ చిత్రీకరణ జరుపుకుంటోంది. దీని విడుదల ఇప్పటికే పలుమార్లు వాయిదా పడగా.. బన్నీ ఫ్యాన్స్ తీవ్ర నిరాశకు లోనవుతున్నారు. ఇటీవల చిత్రంలోని ఓ పోస్టర్ ను మూవీ యూనిట్ విడుదల చేసింది. తాజాగా పుష్ప-2 క్రేజ్ గురించి ఓ వార్త సంచలనం అవుతోంది.
కేరళలో బన్నీకి విపరీతమైన ఫ్యాన్ ఫాలోయింగ్ ఉన్న విషయం తెలిసిందే. డిసెంబర్‌లో ఈ మూవీ విడుదల కానుండగా.. కేరళలో ఇప్పటికే 50 థియేటర్లలో అభిమానుల కోసం స్పెషల్ షో ప్లాన్ చేసినట్లు డిస్ట్రిబ్యూటర్లు ప్రకటించారు. కేరళలో మొత్తం 300కు పైగా ఫ్యాన్ షోలు ప్రదర్శించడమే తమ టార్గెట్ అని పేర్కొన్నారు. డిసెంబర్ 5న కేరళలో వైల్డెస్ట్ మాస్ ఫెస్టివల్ ప్రారంభం కానుందని ఎక్స్ వేదికగా పోస్టు చేశారు.
