టాలీవుడ్ యంగ్ హీరో నాగ చైతన్య, సాయిపల్లవి జంటగా నటించిన మూవీ తండేల్. చందూ మొండేటి దర్శకత్వం వహించిన ఈ సినిమాకు దేవీ శ్రీ ప్రసాద్ సంగీతం అందించారు. గీతా ఆర్ట్స్ బ్యానర్ పై బన్నీ వాసు నిర్మాణంలో భారీ బడ్జెట్ తో ఈ చిత్రం తెరకెక్కుతోంది. ఇప్పటికే ఈ చిత్రం నుంచి విడుదలైన టీజర్, సాంగ్స్, గ్లింప్స్ ఆకట్టుకున్న సంగతి తెలిసిందే. ఫిబ్రవరి 07న ఈ చిత్రం ప్రేక్షకుల ముందుకు రాబోతుంది. తాజాగా ఈ సినిమా ట్రైలర్ రిలీజ్ చేశారు మేకర్స్.
రాజు.. ఊర్లో అందరూ ఏటేటో మాట్లాడుకుంటున్నారు అంటూ సాగే డైలాగ్ తో ట్రైలర్ ప్రారంభమవుతుంది. ఈ సమయంలో వీరి మధ్య కెమిస్ట్రీ, లవ్ ట్రాక్ సీన్లు బాగా పండినట్టు తెలుస్తోంది. మన గురించి మాట్లాడుతుండ్రంటే మనం ఫేమస్ అయిపోయినట్టేనే అనే డైలాగ్ ఆకట్టుకుంది. నీకు నాకు ఏదేదో ఉందని.. వాళ్లు మాట్లాడుకున్నది నిజం చేసేస్తే ఎలాగా ఉంటాదా అని ఆలోచిస్తున్నాను అని చెప్పే డైలాగ్ లు సినిమాకే హైలెట్ గా నిలువనున్నట్టు ఈ ట్రైలర్ ని బట్టి తెలుస్తోంది. మరోవైపు నాగచైతన్య యాక్షన్ సీన్లు, సాయిపల్లవితో లవ్ చూస్తుంటే సినిమా సూపర్ హిట్ కొడుతుందనే చెప్పవచ్చు.
