వివాహ బంధంతో ఒక్కటైన కిరణ్‌ అబ్బవరం – రహస్య గోరక్

కొంతకాలంగా ప్రేమలో ఉన్న టాలీవుడ్ యంగ్ హీరో కిరణ్‌ అబ్బవరం, నటి రహస్య గోరక్‌ తాజాగా వివాహ బంధంలోకి అడుగుపెట్టారు. కుటుంబ సభ్యులు, కొద్ది అతిథుల సమక్షంలో వీరి వివాహం గురువారం రోజున కర్ణాటకలో కూర్గ్లో జరిగింది. అంగరంగ వైభవంగా జరిగిన ఈ వేడుకకు సంబంధించి వీడియోలు నెట్టింట వైరల్‌గా మారాయి. ఈ వీడియోలో వరుడు కిరణ్.. వధువు రహస్య చాలా అందంగా కనిపిస్తున్నారు. ఈ వీడియో చూసిన నెటిజన్లు సింపుల్ వెడ్డింగ్ అంటూ కితాబిస్తున్నారు. సో క్యూట్ పెయిర్ అంటూ కామెంట్లు చేస్తున్నారు. హ్యాపీ మ్యారిడ్ లైఫ్ అని విషెస్ చెబుతున్నారు.

‘రాజావారు రాణిగారు’ (2019)తో కిరణ్‌ సినిమాల్లోకి ఎంట్రీ ఇచ్చిన విషయం తెలిసిందే. ఆ సినిమాలో ఆయనకు జంటగా రహస్య నటించింది. ఈ చిత్ర షూటింగ్‌లోనే ఇద్దరి మధ్య ఏర్పడిన స్నేహం.. తర్వాత ప్రేమగా మారినట్లు ఇటీవలే ఈ జంట చెప్పుకొచ్చింది. అయితే అంతకుముందు ఎన్ని రూమర్స్‌ వచ్చినా ఎప్పుడూ స్పందించని ఈ జంట ఇటీవల నిశ్చితార్థం చేసుకుని సర్ప్రైజ్ ఇచ్చారు.