ఈ మధ్య చాలా మంది చేతికి మీరు చూసే ఉంటారు రంగురాళ్ల ఉంగరాలను. కలర్ బాగుంది కదా అని ఏది పడితే అది ధరిస్తే అదృష్టం కాదు ఉన్నది మొత్తం పోయి ఇంకా కష్టాల్లోకి వెళ్తారట. రత్నాలతో చాలా జాగ్రత్తగా ఉండాలి. మీ రాశికి తగిన రత్నం ఏది, ఏ రంగు మంచిది కాదు అనేది ముందు తెలుసుకోవాలి. రత్నశాస్త్రం ప్రకారం..ఏ రాశి వారకి ఏ రంగు రత్నం కీడు చేస్తుందు, ఏ రంగు మేలు చేస్తుందో తెలుసుకుందాం.
రత్నశాస్త్రంలో రూబీని సూర్య రత్నంగా అభివర్ణిస్తారు అందుకే జ్యోతిష్యులు సూర్యునికి సంబంధించిన సమస్యలను పరిష్కరించడానికి రూబీని పట్టుకోవాలని సూచిస్తున్నారు. సింహం, మేషం, వృశ్చికం, కర్కాటకం, ధనుస్సు రాశుల వారికి ఇది మంచిది. జ్యోతిష్య శాస్త్రం ప్రకారం, కన్య, తుల, మకరం, కుంభరాశి రాశిచక్రం ఉన్నవారు రూబీని ధరించకూడదు.
ఎరుపు లేదా నారింజ రంగు పగడాలను రత్నాల శాస్త్రంలో అంగారకుడి రత్నాలు అంటారు. కుజుడు మేష రాశికి అధిపతి. కాబట్టి ఈ రాశిచక్రం వాళ్లు పగడం ధరించడం ప్రయోజనకరంగా ఉంటుంది. అలాగే వృశ్చిక రాశి వారు కూడా పగడం ధరించవచ్చు అయితే, కన్య మరియు మిధున రాశి వారు ఈ రాయిని ధరించకూడదని జ్యోతిష్యశాస్త్ర నిపుణులు అంటున్నారు.
పుష్యరాగము అనుబంధ గ్రహం బృహస్పతి ధనుస్సు మీన రాశికి అధిపతిగా పరిగణించబడుతుంది. గురుగ్రహం శుభ స్థానంలో ఉన్నవారు పుష్పరాగాన్ని ధరించాలి. పుష్యరాగం మేషం, వృశ్చికం, కర్కాటకం, మిథునం, సింహం, వృశ్చికం, ధనుస్సు మరియు మీన రాశులకు మంచిది. మరోవైపు, వృషభం, తులారాశి, మకరం, కుంభం రాశుల వారు దీనిని ధరించడం మానుకోవాలి. ఇది భారీ నష్టాన్ని కూడా కలిగిస్తుంది
పచ్చ రత్నం మెర్క్యురీ గ్రహంతో సంబంధం కలిగి ఉంటుంది. మిథునం, కన్య రాశుల వారుని బుధుడు పాలిస్తాడు. కాబట్టి ఈ రాశిచక్రం వారికి పచ్చ రత్నం ప్రయోజనకరంగా ఉంటుంది. జ్యోతిష్య శాస్త్రం ప్రకారం, బుధుడు కుజుడు, శని, రాహువు లేదా కేతువుతో కూర్చున్నప్పుడు లేదా శత్రు గ్రహాల దృష్టిలో ఉన్న సందర్భాల్లో పచ్చ రాయిని ధరించవచ్చు. అయితే మేష, కర్కాటక, వృశ్చిక రాశుల వారికి పచ్చ మంచిది కాదు.
ముత్యం చంద్ర రత్నం ఇది మనస్సును ప్రశాంతంగా ఉంచడానికి తక్షణమే పని చేస్తుంది. మేష, కర్కాటక, వృశ్చిక, మీన రాశుల వారికి ముత్యాలు ధరించడం ఎంతో మేలు చేస్తుంది. వృషభ, మిథున, కన్యా, మకర రాశుల వారు జ్యోతిష్యుని సంప్రదించకుండా ముత్యాలను ధరించరాదు.
