ఐడీఎల్ చెరువు కట్టకింద ఆదివారం అగ్ని ప్రమాదం సంభవించింది. ఇందులో రూ.5 లక్షల విలువైన ఆస్తి దగ్ధమైనట్లు అగ్నిమాపక శాఖ అధికారులు పేర్కొన్నారు. గుర్తుతెలియని వ్యక్తి ఖాళీ స్థలంలో చెత్తకు నిప్పు పెట్టడంతో మంటలు వ్యాపించి అక్కడే ఉన్న పాత క్రేన్ టైర్లు, భూగర్భంలో వేసేందుకు తెచ్చిపెట్టిన టెలిఫోన్ పైపులు దగ్ధమయ్యాయి. స్థానికుల సమాచారం మేరకు అగ్నిమాపక సిబ్బంది వెంటనే మంటలను ఆర్పివేశారు.
