రంగారెడ్డి: అక్రమంగా తరలిస్తున్న రేషన్ బియ్యం పట్టివేత

అక్రమంగా తరలిస్తున్న రేషన్ బియ్యం పట్టుకున్న సంఘటన పూడూర్ మండలంలో చోటు చేసుకుంది. స్థానికులు, పోలీసులు తెలిపిన వివరాల ప్రకారం కంకల్ శివారులో బొలెరో వాహనంలో అక్రమంగా తరలిస్తున్న 10 క్వింటాళ్ల రేషన్ బియ్యాన్ని పోలీసులు పట్టుకున్నారు. పట్టుకున్న బియ్యాన్ని పరిగి పోలీస్ స్టేషన్ కు తరలించినట్లు పోలీసులు తెలిపారు. ఈ మేరకు కేసు నమోదు చేసి వాహనాన్ని సీజ్ చేసినట్లు వెల్లడించారు.