చాణక్య చాలా విషయాల గురించి చెప్పారు. చాణక్య చెప్పినట్లు చేయడం వలన జీవితంలో సమస్యలు లేకుండా, సంతోషంగా ఉండడానికి అవుతుంది. ఆచార్య చాణక్య జీవితంలో ఎలాంటి ఇబ్బందుల్ని, ఏ విధంగా ఎదుర్కోవాలి, ఎటువంటి పొరపాట్లు చేయకూడదు అని చెప్పారు. చాణక్య చెప్పిన సూత్రాలని పాటిస్తే సమస్యలే ఉండవు. అందుకే, ఆయన చెప్పిన వాటి ప్రకారం పురుషులు ఎప్పుడూ కూడా ఈ పొరపాట్లు చేయకూడదు. అలా చేసినట్లయితే వైవాహిక జీవితంలో ఇబ్బందులు, నష్టాలు ఉంటాయి. మరి పురుషులు ఎటువంటి పొరపాట్లు చేయకూడదు అనేది ఇప్పుడే తెలుసుకుందాం.
చాణక్య చెప్పిన దాని ప్రకారం చూసినట్లయితే, పురుషులు ఎప్పుడూ కూడా వైవాహిక జీవితంలో బాధ్యతల్ని అర్థం చేసుకోవాలి. బాధ్యతల్ని పూర్తి చేయాలి. బాధ్యతలు పక్కన పెట్టేసే పురుషులు వైవాహిక జీవితంలో ఇబ్బందుల్ని ఎదుర్కొంటారు. కుటుంబం కూడా ఇబ్బందిని ఎదుర్కోవాల్సిన పరిస్థితి ఏర్పడుతుంది. అలాగే, పురుషులు ఎప్పుడూ కూడా భార్యపై ఒత్తిడి పెట్టకూడదు. వైవాహిక జీవితంలో ఏ సమస్య లేకుండా సంతోషంగా ఉండాలంటే భార్యను గౌరవించాలి, తన భార్యకి విలువ ఇవ్వాలి. అప్పుడే వారి జీవితంలో బంధం మధురంగా ఉంటుంది.
పురుషుడు ఎప్పుడూ కూడా మరో స్త్రీతో సంబంధాన్ని పెట్టుకోకూడదు. అలా చేస్తే కూడా వైవాహిక జీవితంలో గొడవలు, ఇబ్బందులు వస్తాయి. పరాయి స్త్రీని పురుషుడు సోదరిలా భావించాలి. ఎప్పుడూ కూడా అబద్ధాలు చెప్పకూడదు. అబద్ధాలు చెప్పడం వలన భార్యాభర్తల మధ్య నమ్మకమే ఉండదు. భార్య కుటుంబాన్ని అవమానిస్తే కూడా వైవాహిక జీవితంలో భార్యాభర్తలు సమస్యలను ఎదుర్కోవాల్సి ఉంటుంది. కాబట్టి పురుషుడు ఈ తప్పులు చేయకుండా చూసుకోవాలి. అప్పుడే వైవాహిక జీవితంలో బంధం మధురంగా మారుతుంది.
