జీవితంలో ఎన్నో విషయాలను నేర్చుకుంటూ ఉంటాము. అయితే కొన్ని రకాల సూత్రాలను పాటించడం వలన జ్ఞానం పెరుగుతుంది మరియు సరైన మార్గంలో ప్రయాణించవచ్చు. జీవిత సూత్రాలకు సంబంధించి చాణక్యుడు చాణక్య నీతిలో ఎంతో సమాచారాన్ని ఇవ్వడం జరిగింది. దానిలో రాజకీయం, ఆర్థిక శాస్త్రం, వ్యక్తిత్వం, మానవ సంబంధాలు వంటి విషయాల గురించి చెప్పడం జరిగింది. అయితే వాటిని ప్రస్తుత జీవితంలో ఉపయోగించడం వలన ఎంతో మార్పును పొందుతారు. ముఖ్యంగా యువత వీటిని పాటిస్తే సరైన విధంగా నడుచుకుంటారు. చాణక్య నీతి శాస్త్రంలో చాణక్యుడు వివాహానికి సంబంధించి కూడా ఎన్నో విషయాలను తెలియజేయడం జరిగింది. ముఖ్యంగా, చాణక్యుడు కొంతమంది ఆడవారిని పెళ్లి చేసుకోకూడదు అని చెప్పడం జరిగింది. అంతేకాకుండా బుద్ధి, నైతికత, కుటుంబ నేపథ్యం, అందం వంటి విషయాల గురించి ఎంతో వివరించడం జరిగింది.
చాలా శాతం మంది ఆడపిల్లల అందాన్ని ఎక్కువగా చూస్తూ ఉంటారు. అయితే చాణక్యుడు అందం ఉన్నా తెలివి లేని ఆడవారు అనే అంశాన్ని వివరించడం జరిగింది, అంటే అందం తాత్కాలికంగా మాత్రమే ఉంటుందని కానీ తెలివితేటలు, నైపుణ్యత లేకపోతే జీవితాంతం ఎంతో కష్టపడాలని పేర్కొన్నారు. అంతేకాకుండా, సంబంధం బలంగా ఉండాలంటే తెలివిగా వ్యవహరించాల్సిన అవసరం ఉందని వివరించారు. ఎప్పుడైతే ఆడపిల్లలు చురుకుగా ఉంటారో, జీవితం ఎంతో సుఖంగా ఉంటుంది. అంతేకాకుండా, అబద్ధాలు చెప్పే ఆడపిల్లలను పెళ్లి చేసుకోకూడదు. ముఖ్యంగా, అటువంటి మహిళలు భర్త మరియు కుటుంబ సభ్యుల నమ్మకాన్ని కోల్పోయే విధంగా ప్రవర్తిస్తారు. దీనివల్ల ఎన్నో సమస్యలు ఎదురవుతాయి.
ముఖ్యంగా ఇటువంటి సందర్భాల్లో విభేదాలు ఏర్పడతాయి, వాటి కారణంగా జీవితాంతం ఇబ్బంది ఎదురవుతుంది. చెడు స్వభావం ఉన్న మహిళలను అస్సలు పెళ్లి చేసుకోకూడదు. ముఖ్యంగా కోపం, అసూయ కలిగిన మహిళలను పెళ్లి చేసుకోవడం వలన జీవితాంతం ఎంతో బాధపడాల్సి వస్తుంది అని చాణక్యుడు పేర్కొన్నారు. అంతేకాకుండా, అహంకారం కలిగిన ఆడపిల్లలను కూడా పెళ్లి చేసుకోకూడదు. పెళ్లి చేసుకునే ముందు ఆడపిల్ల కుటుంబ నేపథ్యం తెలుసుకోవాలి. ఎప్పుడైతే కుటుంబ నేపథ్యం చెడుగా ఉంటుందో, వారు తల్లిదండ్రుల నుండి వచ్చిన లక్షణాలను పాటిస్తారు. అందువల్ల అటువంటి కుటుంబాల నుండి వచ్చిన ఆడపిల్లలను పెళ్లి చేసుకోవద్దని చాణక్యుడు సూచించాడు.
