ఐశ్వర్యా రాయ్ బచ్చన్ చాలా రోజుల తర్వాత హైదరాబాద్లో అడుగుపెట్టింది. పొన్నియిన్ సెల్వన్ 2 సినిమా ప్రమోషన్స్లో భాగంగా ఈ బ్యూటీ భాగ్యనగరానికి వచ్చింది. ఈ ఈవెంట్లో మెరున్ కలర్ ట్రెడిషనల్ ఔట్ఫిట్లో సందడి చేసింది. ఈ ఔట్ఫిట్లో ఐశ్వర్య చాలా అందంగా కనిపిస్తోంది. ప్రస్తుతం ఈ ఫొటోలు నెట్టింట వైరల్ అవుతున్నాయి.
ఐశ్వర్య తాజా ఫొటోలు చూసి అభిమానులు ఫిదా అవుతున్నారు. వయసు పెరిగినా ఈ భామ వన్నె తగ్గలేదని కామెంట్లు చేస్తున్నారు. ఎప్పటికీ అందగత్తె అంటే తమకు ఐశ్వర్యేనని పొగడ్తలు కురిపిస్తున్నారు. ఈ అందాన్ని చూస్తూ హాయిగా చనిపోవచ్చంటూ విరహవేదనకు గురవుతున్నారు. ఐష్ వి లవ్యూ అంటూ హార్ట్ ఎమోజీస్ను పోస్టు చేస్తున్నారు.
ఇక పీఎస్2 ప్రమోషన్స్లో భాగంగా ఐశ్వర్యా రాయ్ మాట్లాడుతూ హైదరాబాద్ ఫ్యాన్స్కు తన ముద్దులు అంటూ ఫ్లైయింగ్ కిస్ ఇచ్చింది. ‘‘పొన్నియిన్ సెల్వన్ 1’పై మీరు చూపించిన ప్రేమకు ధన్యవాదాలు. ఈ నెల 28న విడుదలకాబోతున్న ‘పీఎస్ 2’కు మీ ఆశీస్సులు ఉంటాయని అనుకుంటున్నా. ఆ రోజు కోసం ఎంతో ఆసక్తిగా ఎదురుచూస్తున్నా. నాకు అవకాశం ఇచ్చిన మణిరత్నంగారికి ప్రత్యేక కృతజ్ఞతలు.’’ అని చెప్పుకొచ్చింది ఐష్.
