మంచి ఆరోగ్యాన్ని ఇచ్చిన దేవుడు అంతే ఆరోగ్యకరమైన కళ్లను ఇవ్వకపోతే.. ఆ జీవితం ఎప్పటికీ అంధకారమే.. చూపులేకుండా వందేళ్లు బతికడం వల్ల ఏం సుఖం. జీవితాన్ని ఎంజాయ్‌ చేయగలుగుతారంటారా..? కళ్లు ఉన్నవారికి వాటి విలువ పెద్దగా తెలియదు. కళ్లను ఎంత ఆరోగ్యంగా ఉండేలా చూసుకుంటే మనిషి అంత ఆరోగ్యంగా అంతే అందంగా ఉంటారు. మీ ముఖంలో కళ్లు బాలేకపోతే లుక్కే మారిపోతుంది. నిద్రసరిగ్గా లేకపోయినా, డార్క్‌ సర్కిల్స్‌ వచ్చినా, కళ్లు ఎర్రబడినా, పొడిబారినా ఫేస్‌ అంతా డల్‌ అయిపోతుంది.! అయితే కంటికి సాధారణంగా వచ్చే సమస్యల్లో డ్రై ఐ సిండ్రోమ్ ఒకటి. పెరుగుతున్న వయస్సుతో డ్రై ఐ సిండ్రోమ్ పెరుగుతుంది. దీని వెనుక చాలా కారణాలు ఉంటాయంటున్నారు నిపుణులు. మరి ఆ కారణాలు ఏంటి, యువతలోనే ఎక్కువగా ఈ సమస్య ఎందుకు వస్తుందో చూద్దాం..!!
ఒక వ్యక్తి ఎక్కువసేపు స్క్రీన్‌ను ఉపయోగించినప్పుడు లేదా నిరంతరం కంప్యూటర్ ముందు కూర్చున్నప్పుడు, పొడి కళ్ళతో సమస్య వచ్చే అవకాశం ఉంది. స్క్రీన్ ముందు ఉన్నప్పుడు మనం రెప్పవేయకుండా కొన్ని సెకన్ల పాటు అలానే చూస్తుంటాం.. దీని వలన కన్నీళ్లు గాలిలోకి ఆవిరైపోతాయి. అటువంటి పరిస్థితిలో, కళ్ళు పొడిబారడం జరుగుతుంది.
అధికంగా ధూమపానం చేయడం కూడా కళ్ళు పొడిబారడానికి కారణమవుతుంది. ధూమపానం వల్ల విష పదార్థాలు కళ్లలోకి చేరుతాయి. ఇది కళ్లను రక్షించే కండ్లకలకను దెబ్బతీస్తుంది. అలాగే కళ్ళు పొడిబారడానికి కారణమవుతాయి.
వీటితోపాటు.. ఎక్కువకాలం కాంటాక్ట్ లెన్స్‌లు ధరించినప్పుడు కూడా కళ్ళు పొడిబారుతాయని నిపుణులు అంటున్నారు. కాంటాక్ట్ లెన్స్‌ కారణంగా కార్నియాకు ఆక్సిజన్ సరఫరా సరిగ్గా జరగదు. అటువంటి పరిస్థితిలో, కళ్ళు పొడిబారే సమస్య తలెత్తుతుంది.
స్త్రీలు మెనోపాజ్‌లో ఉన్నప్పుడు కూడా, వారికి కళ్ళు పొడిబారే అవకాశం ఉందట…
మానసిక కల్లోలం , ఒత్తిడి కారణంగా ఈ సమస్య వస్తుందని నిపుణులు అంటున్నారు.
సో..కళ్లు పొడిబారటానికి ఇన్ని కారణాలు ఉంటాయి..మీలో కూడా ఈ సమస్య ఉంటే.. రీజన్‌ ఏంటో మీరే గమనించండి..!
