భార్యాభర్తలు ఎంతో ఆనందంగా ఉండాలి అంటే ఆ బంధంలో ఎటువంటి సమస్యలు ఉండకూడదు. ఎలాంటి సంబంధంలో అయినా చిన్న చిన్న సమస్యలు రావడం వలన ఎటువంటి ప్రభావం ఉండకూడదు. ముఖ్యంగా వివాహ బంధం లో ప్రేమ, ఐక్యత ఎంతో అవసరం. వారి బంధం దృఢంగా ఉండాలి అంటే కచ్చితంగా కొన్ని సూత్రాలను పాటించాలి. చాలా శాతం మంది ఎంతో స్వార్థంగా ఆలోచిస్తూ ఉంటారు. వివాహ బంధం ఏర్పడిన తర్వాత అదే విధంగా కొనసాగితే ఎన్నో సమస్యలు ఎదురవుతాయి. మనం అనే భావన ఏర్పడితే ఆ బంధంలో ఎలాంటి సమస్యలు ఉండవు. భార్య భర్తలు ఇద్దరిలో ఏదో ఒక ప్రత్యేకత అనేది ఉంటుంది.
అటువంటి వాటిని గుర్తించి ఒకరిని ఒకరు సమర్ధించుకోవాలి. కేవలం బలహీనతలు, తప్పులు వంటివి మాత్రమే చూడటం వలన బంధాలు దృఢంగా ఉండవు. చాలా శాతం మంది పెళ్లి అయిన తర్వాత వారి అభిరుచులకు ప్రాధాన్యత ఇవ్వడం మానేస్తుంటారు. అలా కాకుండా అభిరుచులను ప్రోత్సహించడం వలన ఎంతో మేలు జరుగుతుంది. ఇతరులు ఆసక్తులను గుర్తించి వాటిని నెరవేర్చడం వలన బంధం మరింత బలంగా మారుతుంది.ప్రతి ఒక్కరి ఆలోచనా విధానం ఒకే విధంగా ఉండదు. అందువలనే విభేదాలు అనేవి ఏర్పడతాయి.
భార్య భర్తలు సంతోషంగా ఉండాలి అంటే ఇద్దరి అభిప్రాయాలను గౌరవించి నడుచుకోవాలి. ఈ విధంగా అంగీకరించడం వలన ఎన్నో సమస్యలు రాకుండా ఉంటాయి. భార్య భర్తలు మధ్య చిన్న చిన్న గొడవలు సహజం. అయితే వాటిని ఎక్కువ సమయం కొనసాగించకుండా కొంత సమయాన్ని తీసుకొని ఆలోచించి మాట్లాడాలి. కోపంలో మాట్లాడడం వలన మరింత ప్రమాదం ఉంటుంది. కనుక కొంత సమయం గడిచిన తర్వాత ఇద్దరు కూర్చొని మాట్లాడుకుని సమస్యలను పరిష్కరించుకోవాలి. ఇటువంటివి పాటించడం వలన భార్య భర్తల సంబంధం ఎంతో సంతోషంగా ఉంటుంది.
