కూరగాయల ధరలు వంద దాటితేనే మనం బెంబేలెత్తిపోతాం. కానీ ఒక కూరగాయ ధర ఏకంగా కిలో లక్ష రూపాయల వరకు పలుకుతుందంటే నమ్ముతారా? అవును, మీరు విన్నది నిజమే! ప్రపంచంలోనే అత్యంత ఖరీదైన ఈ కూరగాయను సామాన్యులు కొనడం అటుంచితే, కనీసం చూడటం కూడా అరుదే. విదేశాల్లో దీనికి ఉన్న క్రేజ్ అంతా ఇంతా కాదు. ఇంతకీ ఆ కూరగాయ పేరేంటి? దానికి అంత ధర ఎందుకు? అందులో ఉన్న ప్రత్యేకతలు ఏంటో వివరంగా తెలుసుకుందాం.
కూరగాయల్లో ‘కోహినూర్’ వజ్రం-‘హాప్ షూట్స్’: ప్రపంచంలోనే అత్యంత ఖరీదైన కూరగాయగా పేరుగాంచిన దీనిని ‘హాప్ షూట్స్’ అని పిలుస్తారు. దీని శాస్త్రీయ నామం హ్యూమలస్ లూపులస్. ఇవి చూడటానికి చిన్నపాటి శంకువు ఆకారంలో ఉండి, ఆకుపచ్చ రంగులో ఉంటాయి.
వీటిని సాగు చేయడం చాలా కష్టతరమైన పని. ఇవి పొలాల్లో వరుసగా పెరగవు, అడవి మొక్కల్లా అస్తవ్యస్తంగా పెరుగుతాయి. ఒక్కొక్క మొలకను చేతితో చాలా జాగ్రత్తగా ఏరాల్సి ఉంటుంది. ఈ కష్టమే దీని ధరను ఆకాశానికి చేరుస్తుంది. ముఖ్యంగా యూరోపియన్ దేశాలైన జర్మనీ, బ్రిటన్, బెల్జియంలలో దీనికి విపరీతమైన డిమాండ్ ఉంది.
కేజీ లక్ష ఎందుకు? దీని వెనుక ఉన్న రహస్యం: హాప్ షూట్స్ ధర అంత ఎక్కువగా ఉండటానికి కారణం కేవలం దాని సాగు కష్టం మాత్రమే కాదు, అందులో ఉన్న ఔషధ గుణాలు కూడా. దీనిని బీర్ తయారీలో (ఫ్లేవర్ కోసం) వాడటమే కాకుండా, అనేక రకాల మందుల తయారీలో ఉపయోగిస్తారు. యాంటీ ఆక్సిడెంట్లు పుష్కలంగా ఉండే ఈ కూరగాయ..
చర్మ సౌందర్యాన్ని పెంచడానికి, ఆందోళన మరియు నిద్రలేమి సమస్యలను తగ్గించడానికి అద్భుతంగా పనిచేస్తుంది. ఇది ఏడాది పొడవునా దొరకదు కేవలం వసంత కాలంలో మాత్రమే లభిస్తుంది. మార్కెట్లో దీని డిమాండ్ను బట్టి కిలో ధర సుమారు 80 వేల నుండి 1 లక్ష రూపాయల వరకు ఉంటుంది.
మనం రోజూ తినే టమోటాలు, బంగాళదుంపల మధ్య ఇలాంటి ‘లగ్జరీ’ కూరగాయలు ఉన్నాయని తెలియడం నిజంగా ఆశ్చర్యకరమే. హాప్ షూట్స్ వంటి కూరగాయలు ప్రకృతిలోని వైవిధ్యాన్ని మనకు చాటిచెబుతాయి. ధనవంతులు దీనిని ఒక హోదాగా భావించి కొనుగోలు చేస్తుంటారు. ప్రస్తుతం ఇది ప్రధానంగా యూరప్ మార్కెట్లలోనే లభిస్తుంది.
