నీకు నువ్వు నచ్చితేనే జీవితంలో ఎదగగలవు. అందుకే నిన్ను నువ్వెప్పుడూ బాగా చూసుకోవాలి. ఇందులో ఏమాత్రం తేడా వచ్చిన నీకు నువ్వు నచ్చకుండా పోతావ్.. కొత్త సంవత్సరం వచ్చింది కాబట్టి.. ఈ సంవత్సరంలో నీకు నువ్వు మరింతగా నచ్చేలా చేసేందుకు ఏం చేయాలో ఇక్కడ తెలుసుకుందాం.
క్షమించడం నేర్చుకోండి:
ఇతరులను కాదు, మిమ్మల్ని మీరే క్షమించుకోండి. గతంలో చాలా తప్పులు చేసుంటారు. వాటిని తలచుకుని బాధపడటం మానేయండి. తప్పు చేయని వాళ్ళు ఎవ్వరూ ఉండరు. వాటిని మర్చిపోయి పాజిటివ్ గా ఉండండి. ప్రస్తుత పనుల మీద దృష్టి పెట్టండి.
పాజిటివ్ మనుషులతో స్నేహం:
నెగెటివ్ ఆలోచనలున్న వారితో స్నేహం మానేయండి. మీరు కూడా అలాగే మారిపోతారు. పాజిటివ్ మనుషులతో తిరిగితే మీలోకి కొత్త ఉత్సాహం వచ్చి కొత్త పనులు చేస్తారు. నువ్వు ఎవరితో తిరిగితే అలానే ఆలోచిస్తావన్న దాన్ని మర్చిపోవద్దు.
మీరెలా ఉన్నా మీరెంతో ప్రత్యేకం:
అందం లేదని, అవసరానికి ఇంకేదో లేదని మిమ్మల్ని మీరు నిందించుకోవద్దు. మీరెలా ఉన్నా మీరు ప్రత్యేకమే. ఈ ప్రపంచంలో మీలాంటి మీరు మాత్రమే. యూ ఆర్ యునిక్. ఈ విషయం మీరు నమ్మకపోతే ఎదగలేరు.
అవతలి వాళ్ళతో జాగ్రత్త:
అవతలి వాళ్ళతో మీ బంధానికి బౌండరీస్ తెలుసుకోండి. ఆ లైన్ ని ఎప్పుడూ దాటవద్దు. లేనిపోని సమస్యలు వచ్చే అవకాశం ఎక్కువ. మీ జీవితంలోకి కూడా అవతలి వాళ్ళను మరీ ఎక్కువగా రానివ్వద్దు.
స్వయం ప్రేరణ:
ఈ ప్రపంచంలో మిమ్మల్ని మీరే మోటివేట్ చేసుకోవాలి. వేరే వాళ్ళు మిమ్మల్ని నిరుత్సాహ పరుస్తారు కావచ్చు, మీరు మాత్రం నిరుత్సాహానికి గురి కావద్దు. మంచి మాటలు మాట్లాడుకోండి. మంచి జీవితం జీవిస్తారు.
