కోతులు మందు కోడతాయా ? వాటర్ లేక మందు కొట్టక పోవడం ఏమిటి ? అనే అనుమానాలు కలుగుతున్నయా ? అవును ఈ మధ్య కోతులు కూడా కొన్ని మందు వేస్తున్నాయి. ఆ విషయం మనం గతంలో చాలా వార్తల్లో చూశాం. కానీ ఈ కోతి ప్రత్యేకం ఎందుకంటే ఈ కోతి మందు వేయడానికి చూసి, అందులో కలుపుకోడానికి వాటర్ దొరకకపోవడంతో దానిని వదిలేసి పోయింది. వినడానికి ఆశ్చర్యంగా ఉన్న ఈ ఘటన కామారెడ్డి జిల్లా కేంద్రంలో చోటు చేసుకుంది.
మందు తాగేందుకు ఓ కోతి ఒక వైన్స్ షాపు వద్దకు వచ్చింది. చివర్లో కొంచెం మందు ఉన్న ఓ మందు బాటిల్ కూడా దానికి దొరికింది కానీ ఆ మందు బాటిల్ పక్కన గ్లాస్ లేదు, అంతే కాక అందులో కలుపుకునేందుకు నీళ్లు కూడా లేవు. ఈ విషయాన్ని గమనించిన కోతి తన ఆరోగ్యం చెడిపోతుందని భావించి మందు తాగకుండానే వెళ్లి పోయింది. ఈ వీడియో చూసిన నెటిజన్లు కూడా మందు బాబులు కూడా ఇలానే ఆలోచించి మందు రా తాగకుండా ఉంటే ఆరోగ్యాలు చెడిపోవని అంటున్నారు. ఏదేమైనా ఈ వీడియో మాత్రం సోషల్ మీడియాలో వైరల్ గా మారింది.
